Diabierna mainta atrobe por a mira un cantidad di hende para pafo di edificio di Departamento di Impuesto na Camacuri pa paga number di auto. Tabata tin hende cu a yega desde 8’or di mainta anto a keda para den fila pafo pa tres ora, pa despues bay paden pa tuma number y sigui warda. Mester a pidi asistencia medico pa un ciudadano di edad cu a bira malo anto transport’e pa hospital. Ta parce cu e tabata wardando pa basta largo den solo anto ora di bay paden, e no tabata por mas anto el a bira malo y desmaya eynan.
Varios ciudadano a comenta cu e sistema di paga number na Aruba ta sumamente antiguo anto mester wordo modernisa. Bon Dia Aruba a puntra algun ciudadano si nan no sa di e alternativa pa paga Online of tambe via di banco, cual nan ta comenta cu no ta eficiente y ta lamenta cu no a wordo informa mas prome. Aki rato mas informe.
