Tres siman pasa tabatin un caso di intento di asesinato na Olde MOlen. Recherche di Noord a cuminsa un investigacion riguroso na unda ayera diabierna den oranan di mainta, Team di Aresto a detene riba caya e sospechoso inicial H. Di 18 aña di edad, naci na Aruba.
Despues a haci un entrada hudicial conhuntamente cu K-9 na un cas na Sero Patrishi, segun Cuerpo Policial a informa den un comunicado di prensa. Durante e entrada hudicial, a encontra un arma di candela y municion y droga.
No ta descarta cu lo tin mas detencion.
Esaki ta destaca e bon trabao di recherchenan di Noord, cu a traha incansablemente pa pone man riba e sospechoso.
Cuerpo Policial ta haci un apelacion na esnan cu sa algo of mira algo pa yama e tiplijn di polis cu ta 11141. Bo anonimidad ta keda garantisa.
