– Dialuna pa mas o menos 12:10 di marduga presencia di autoridad a wordo pidi na e cas cuido SABA situa na Palisiaweg. Tabata trata di un habitante di e cas di anciano cu a fayece.
Na e sitio polis a compronde for di e enfermera cu pa mas o menos 11:20 di anochi, durante cambio di warda, a bay controla un cliente pa yuda pone bek riba su cama. Pero durante cu nan tabata yudando e persona aki nan a tuma nota cu su pia tabata birando biña y su curpa tabata friu.
E personal di SABA a yama e dokter na warda pa presenta na e sitio. Pa 11.50pm dokter a constata morto di e homber C.C Schonherr, naci na Aruba 25 october 1965. Sinembargo dokter Geerman Tromp na dado momento a duda di e causa di e morto, y pa e motibo aki el a solicita presencia di polis. Fiscal di Ministerio Publico tambe a presenta na e sitio y a confisca e curpa pa mas investigacion.
