E permiso yama ‘hindervergunning’ pa construi e parke di molina na Urirama ta adapta y cla. Awor e proceso por cuminsa di nobo, entre otro cu e grupo di habitante den besindario di Urirama y Alto Vista por bringa e permiso aki por medio di un caso di LAR (administrativo).
Esaki Henk Hutting di e compania Vader Piet, encarga cu e di dos parke di molina, a bisa Bon Dia Aruba. E adaptacion tabata cos hopi chikito, e ta splica. Pero e tabata necesario pa cumpli cu e ultimo veredicto di hues. E ta bisa cu e procedura awor lo tuma un 9 luna. “Por lo menos, pasobra e por ta mas. Pero ainda esaki ta lihe, si por ehemplo bo ta compara cu Hulanda.”
Riba e pregunta si e ta dispuesto ainda pa sinta na mesa cu e habitantanten cu ta preocupa pa nan salud, Hutting ta bisa no. “Esaki no tin mucho sentido. Nos a purba caba pero nos no por haya otro.” Un di e problema ta, e ta bisa, cu e protesta a bira algo politico. Pero e director ta bisa, mayoria di e habitantenan di e barionan concerni a vota pa e partido na manda cu ta pro e proyecto. Esaki a manda un señal hopi cla tambe, cu no tin mucho sentido awor pa sinta na mesa.
E proyecto ya ta 2 aña tarda. Considerando e prome anuncio di gobierno na 2009.
