Santa Rosa a duna permiso di piscado pa registra, pa nan e ta importante mirando e situacion cu ta aden pa esunnan cu ta practica cada ofishi por sigui cu nan produccion apart.

Nathalie Maduro director di Santa Rosa a duna splicacion di tin tur dato y registracion di cunukero y piscado. Meta di e registracion ta pa mustra e importancia pa cada un di nan sigui produci, mientras ta afecta pa diferente motibo, incluyendo e pandemia actual.

“Santa Rosa tin aña ta pidi registra pa tin dato’”

El a bisa cu gobierno a mira importante pa duna iniciativa pa producto local. Mas dato nan por mustra, asina por mira cu e sector ta stabiel y proyecto ta bay crece, pues pa e motibo aki, ‘informacion ta importante pa nos’. Cu e datonan, por mira cuanto cada productor ta produci, ki producto ta produci, y cualkier otro informacion cu por warda den un base di dato. Cu e registracion nan por sa e situacion di cada ken y por duna e flexibilidad pa sali pisa.

Guarda Costa ta den cooperacion y lo duna carta pa cada boto ta na ordo. Esaki pa motibo cu si Guarda Costa haya un boto ilegal cu no ta cuadra cu e regla, Santa Rosa no por yuda. Nan ta pidi cooperacion di tur piscado y cunukero pa tene nan mes na regla di

6am – 6pm.

Ta recorda pa tur piscado cu tabata tin custumber di sali pisca madruga, cu awo tin cu cumpli cu toque de queda. Esey ta decision cu a wordo tuma pa gobierno y mester tene na cuenta e situaciondelicado di siguridad. “Nos ta papiando cu Guarda Costa pa aprecia flexibilidad piscado riba lama, pero tene cuenta cu orario.”

Mark Solognier di Guarda Costa a bisa cu nan lo keda tene nan control riba lama. “Tur hende sa cu e periodo di shelter in place tambe ta aplicabel.” Te ainda nan no a haya niun caso cu mester a batia alarma of duna boet, ni pa shelter in place, toque de queda, ‘esey ta bayendo bon’.

Nan tin cooperacion di Santa Rosa y polis pa controla e parti di papel pa duna tur piscado pa tin un miho control ken tur ta na lama, y e proceso aki ‘ ta canando bon’. No ta cuenta bay riba yate pa trip, pero pa pisca of bende pisca.

E ta bisa cu a haci afspraak cu Santa Rosa manera ta bisa cu hende cu ta haci trabou di sport di awa, cu tabata activo a perde trabou. “Nos a kijk door di vingers pa aplica pa permiso di piscado, pero no cu ta bay den chub of haci cosnan cu no ta pisca.”

Nan lo determina legalmente pa esunnan cu lo ricibi e carta y e maneho di control lo ta mas estricto. Nan ta recomenda pa tur usuario di lama bay registra na Santa Rosa y pa nan corda yega prome cu solo baha pa mantene na regla. Tambe pa no crusa den frontera di Venezuela mirando e situacion, ‘si bo haya den problema otro banda, nos no por yuda bo’.