Periodo pa cumpli pa kita construccion ilegal

Dialuna mainta, departamento DIP hunto cu DOW a informa tocante control andando actualmente pa loke ta trata procedura di reuza y reconsrtui pier. Antonio Caster, hurista di departamento di Toezicht Controle y Handhaving di DIP, a bisa cu accion ta andando y den e proceso cu ta sigui.

Hende cu ta construi algo ilegal riba un tereno di gobierno of tereno cu no ta destina pa locual a traha riba dje, lo haya un informe cu locual el a haci no ta di acuerdo cu ley. Ta duna e persona un termino di tempo pa e mes actua. “Nos ta pidi pa e laga sa si e lo actua, nos ta lag’e cumpli cu su termino.”

Sinembargo, si e persona no ta contesta y no cumpli, ta bay over na DOW y DIP. Den e caso en particular di e pier, e tabata den un area conserva cu segun ROP bieu y nobo di area di naturalesa, ‘bou ningun circunmstancia no mag construi nada’.

Ta duna un periodo pa e persona cumpli pa kita e pier. Segun Caster ta informa cu a haci esaki na comienso pero a tuma nota cu no a cumpli totalmente. Anto nan mes a sigui cu e proceso, cu ta andando.

Caster tambe a bisa cu pa construccion ilegal cu parcela pa traha cas pa algo otro, tambe nan a avisa pa kita esey of e departamento mes ta kita esaki. “Tanten cu hende cumpli segun ley pa cumpli cu tereno comercial of pa cas.”

Un proceso di investigacion ta andando di tur locual tin cu ta ilegal y kico ta tumando luga. Un bes cu sigui cu proceso, lo controla y tuma paso.

E pier tabata existi pa varios aña, pero caminda a trek e mangel nan a cera e pier. Na 2009 pa ROP a haci un inventarisacion di pier, y den den e rapport ey caba a conclui cu segun e maneho no ta permiti mas pier. Y pa pier cu tabata den mal estado, no lo tolera pa reuza of reconstrui.

Tin un pier cu ainda ta evaluado si lo reconstrui of repara. Esey ta un pier pa hopi aña tabata den mal estado. Na 2009 tabatin un maneho cu esey no lo mag di reconstrui of reuza.

Caster a duna informacion den un manera amplio, splicando cu otro construccion den area di naturalesa mester tene na cuenta cu no lo tolera reconstruccion nobo. Esunnan cu tin basta tempo, lo haci inventarisacion con e proceso ta bay cana, pero cu ‘construccion tur ultimo tempo no ta wordo permiti’.