Un periodista di parlamentario Afghan y consehera a ser asesina na Kabul, e vocero Nasrat Rahimi di Ministerio interior a duna di conoce diadomingo.

Mina Mangal, kende a traha como un presentado di television pa canalnan popular na Lenjua Pashtún prome cu el a drenta politico, a ser tira 9 biaha diasabra mainta na zuid oost na Kabul, segun vocero di e ministerio Nasrat Rahimi.

Investigacion di polis ta tumando luga pa asina haya e atracadonan cu a tira Mangal, Rahimi a bisa. E atake a provoca un gran rabia y tristesa entre e coleganan di Mangel y e activistanan di derechonan di muhe, kende ta condena autoridadnan pa no protege Magal contra menasanan. Wazhma Frogh, un activista Afgan pa derechonan di hende muhe, a bisa cu Magnal a publica recientemente riba Facebook cu su persona tabata ricibiendo menasanan y tin miedo pa su bida.

“ Mi no por wanta mi awanan di wowo pa e perdida di un alma bunita. E tabata tin un bos fuerte y un bos activa pa su hendenan. Den e post riba facebook el a bisa cu e ta ser menasa y cu e ta confia den Allah y cu un muhe fuerte no ta tema di morto. QEPD Mina Mangal”, a bisa Frogh den un publicacion riba Twitter.

Mangal tambe un persona cu ta duna apoyo na derechonan di hende muhe pa educacion y trabou,cu a converti recientemente den un comisionado cultural di parlamento Afgan. Un di su coleganan, miembro di parlamento Shagufa Noorzai, a bisa cu su morto ta parti di un patron di muhenan ataca den cayanan di Kabul.

“#Farkhunda a wordo kima te cu el a fayece, #BabyMahsa a ser secuestra, viola y asesina, su nanishi a ser corta, e muhenan a wordo tira cu piedra y awe #MinaMangal a haya 9 tiro. Tur e delitonan aki a tuma luga principalmente durante di e dia y principalmente den e zona berde di e capital di Kabul. Stop di mata nos hende muhenan, Noorzai a tweet.

Un periodista di Lemar TV, un otro canal na unda cu Mangal a yega di traha, a bisa a yega ora pa proteha nos periodistanan muhe.

Periodistanan a bira e obhetivonan di atakenan na Afganistan den e ultimo añanan, cu 13 morto na 2018, esaki ta e cifra mayo den un aña, segun e comite pa proteccion di periodista a bisa. Alo menos 48 periodista a ser asesina na Afganistan entre 1944 y 2018.