Perdida di Air France-KLM ta aumenta mientras industria di biahe ta continua den problema

(NLTimes) – Air France-KLM a sufri un perdida neto di 1.5 biyon euro den prome kwartaal di e aña aki. Entrada tambe cay cu mas di mita durante e tempo aki, y e cantidad di pasahero a cay cu tres cuarta parti compara cu un aña atras.

“Un aña den e crisis di Covid, medidanan di lockdown y restriccionnan di biahe na nos mercadonan local y rond mundo ta continua di tin un impacto fuerte riba actividad di e grupo”, e compania a declara den un comunicado di prensa.

Pa motibo cu biahe internacional ainda ta mas tanto para memey di pandemia di coronavirus, e cantidad di biahero cu a reserva un biahe cu e compania a reduci na apenas 4.8 miyon, den comparacion cu 18 miyon durante e mesun periodo aña pasa. Resultadonan financiero na e grupo den e prome kwartaal di 2020 a sufri grandemente mientras e aerolineanan di e compania mama a cuminsa shut down rutanan na China na fin di januari, seis siman prome cu prohibicion di entrada y un freeze riba trafico aereo a domina durante e prome ola di crisis di coronavirus.

“Implementacion rapido di e programa di vacunacion ta esencial pa biahe por reanuda. Te ora cu logra un tempo asina, ta importante pa continua cu medidanan efectivo y enfoca”, segun Pieter Elberts, cabesante di e carrier Hulandes, KLM.

Air France-KLM tin plan pa opera un total di 50% di su schedule di vuelo pre-pandemia pa e kwartaal terminando riba dia 30 di juni. Esaki lo mester aumenta na entre 55 y 65 porciento den tercer kwartaal di e aña.

“E exito di e prome set di medida reforsando capital completa na april, ta permiti nos pa anticipa temporada di berano cu mas confiansa, sperando cu e proceso di e lansamento di vacunacion mundialmente y implementacion di pasenan di biahe lo permiti reapertura di fronteranan y recuperacion di trafico”, e compania mama a declara.

Air France awo a sigura 4 biyon euro den fondonan di gobierno adicional desde comienso di april. Un cuarta parti di esaki ta consisti di accionnan entrega pa Francia. Hulanda a dicidi di keda afo di e acuerdo, splicando cu e situacion na KLM ta menos severo. Aña pasa, Hulanda y Francia a sostene e compania di holding cu 10.4 biyon euro den prestamo y garantia.