(AP) – Pentagono ta advirtiendo Congreso cu nan ta kedando si placa pa reemplasa armanan cu Merca a manda pa Ucrania y ya caba a ser forsa pa baha e cantidad cu ta manda cierto trupanan segun un carta cu a manda na lidernan di Congreso.
Den e carta a urgi Congreso pa bolbe yena e fondo pa Ucrania. Congreso a evita un caida di gobierno pa medio di aproba un fondo durante fin di siman, sinembargo e medida aki a retira tur asistencia pa Ucrania den e bataya contra Russia.
Pentagon Comptroller Michael McCord a conta E Cas y Senado cu ta resta solamente 1.6 biyon dollar di e 25.9 biyon dollar cu Congreso a provee pa yena articulonan militar di Merca cu a ser manda pa Ucrania. E armanan aki ta inclui varios diferente articulo cu ta critico pa yuda Ucrania den tuma back su teritorio for di Russia den e guera.
Ademas, Merca tin mas o menos 5.4 biyon dollar ta resta pa provee arma y ekipo for di su propio articulonan. Merca lo a gasta e fondonan aki caba si Pentago no lo a realisa cu e balor di e armanan cu nan a manda a ser reporta hopi mas halto di loke en realidad e ta, lagando 6.1 biyon dollar liber. Parti di esaki ya caba a ser manda e lunanan recien.
McCord a bisa cu Merca a completamente gasta fondo pa termino largo di Kyiv via e iniciativa di Ukraine Security Assistance, cual ta provee placa pa contrat pa armanan den futuro. “Nos a ser forsa pa baha e cantidad cu nos ta manda na nos mesun forsanan pa por balansa contra un futuro cu ta incierto,” McCord a expresa den e carta. “No yena back nos servicio militar por causa daño na nos ehercito y con cla nos lo ta si algun emergencia presenta.”
