Mi hendenan! Ki tin? Ami ta akinan bibando Carnaval fuertemente via Tweets riba Twitter y Facebook updates. Pa mas cu mi purba haci mi mesun ambiente, bida na Hulanda djis no ta algo pa mi, pues mi ta spera boso tur enjoy pa mi tambe. Ban papia! Prome cu mi a vakantie a caba, mi a bay dal un trip cu un di mi amiganan. Podise, e unico hende den mi bida cu di berdad ta uza su cabes. Ta masha hende tin ta cana cu celebro nobo rond, ya cu nan no ta uz’e, maar goed. Tur ora mi pensa riba dje, mi ta yena cu admiracion. Bosa dje hendenan ey cu ta gewoon asina enfoca riba crea un miho bida pa nan mes, cu bo ta wak nan y pensa ‘okay, I need to step it up now’.
Ora mi sali cu ne, no tin tempo pa redo ni bomboshi sino mas bien tempo pa discuti con nos ta bay haci e isla un miho luga. Tur ora mi ta haci wega cu ne bisa nos ta Pinky and The brain. “Ki nos ta haci awe Brain?
“E mescos cu tur Pinky! Try to conquer the world!”. Ken ta corda e cartoons n’ey? Ey, goodtimes. Den tur nos discusion, nos a cuminsa papia tocante plannan pa futuro.
E ta remarca cu e ta pensa riba tur tur cos. Desde cual scol e lo kier manda su yiunan, te na su retirement. Esaki por cierto ta algo ta admirabel y fabuloso. Den un mundo ideal, tur hende lo tin tempo pa por canalisa nan bida y planifica, actua y ehecuta. Pero lastimamente, mi mester a burst su bubble y bis’e, cu mientras no tin nada malo cu su pensamentonan e mester comprende cu esaki no ta algo cu ta posibel pa tur hende. Cu si nos kier husga hende pa e manera cu nan ta biba one day at the time, tambe mester laga espacio pa comprende cu pa prome: mañan no ta garantisa pa ningun hende ni cuanto bo prepara pe. Y na di dos luga sinta pensa, simplemente no ta un opcion pa un hende cu ta purbando di sobrevivi.
Bo no por bay puntra un mama soltero, cu tin 3 yiu y ta riba un minimumloon si e ta pensa riba su intiero pasobra kere mi con e ta bay paga su entiero ta e ultimo cos riba su to do list. Un di mi activistanan preferi, esta mi compatriota Zahira Kelly a duna splicacion hopi amplio riba esaki algun luna pasa. El a papia di stereotipo cu hende pober den mayoria di caso no ta hopi sabi. Mientras tin un of dos excepcion aki aya, e ta simplemente imposibel pa un mucha enfoca riba siña ora nan ta stoma ta gruña.
Hende di menos recurso, ta consumi musica y programanan di television cu no ta hopi educativo, pasobra den mayoria caso esey ta e unico release cu nan ta haya di e bida e duro cu nan ta hiba. Tene bo mente ocupa riba un nivel intelectual simplemente no ta un opcion ora bo a yega cas di traha 10 ora largo para riba bo pianan. E prome paso pa hiba un miho bida, ta cuminsa na cambia bo pensamento’nan. Pero esaki ta practicamente imposibel ora bo ta on survival mode constantemente.
Nos por glorifica hende cu ta pensa riba futuro y maneha e control di nan bida cuanto cu nos kier, basta nos comprende cu esaki ta un luho, un privilegio cu otro hende no tin. E ta mas facil yega cas cansa y scroll Facebook buscando videonan pret pa hari, cu e ta pa yega cas y coy un buki riba economia. Punta dede ta facil mi hendenan, tene compasion y puntra dicon hende no ta mehora nan situacion of pensa riba cosnan cu ta importa…well..not so much.
