E productor local Angel Sotto ta informa comunidad di Aruba cu e grabacionnan pa su pelicula nobo ta marchando den bon caminda. Di e mas cu 90 escenanan, ya caba 60 ta filma.
E pelicula na Spaño ta titula “Tierras Calientes” y ta trata e fenomeno castigabel pa husticia di traficacion di hende muhe.
Pa “Tierras Calientes” Angel a tene un casting y tin un elenco grandi di mas cu 50 personahe local a drenta e pelicula. Varios ta e locacionnan cu ta uza pa filmacion.
Te cu awo ta spera di saca e pelicula december proximo. Cu e articulo aki, Angel y e elenco completo ta gradici un y tur cu ta cooperando den tur forma cu e produccion.
Aña pasa Angel Sotto a gana varios premionan internacional cu su pelicula “Blackout”.
