Ayera un ciudadano alerta a nota den area di Seaport Marketplace y parke Whilhelmina un pato cu tabata mustra den mal condicion. Ta trece esaki dilanti pa mira si por tin un persona cu sa con por yuda e animalito aki.
Usuarionan di rednan social a comparti cu nan sa di wak e pato aki pa basta tempo, pues e ta un residente di e area. E biaha aki sinembargo, por a nota cu e pato falta hopi pluma riba su hala, y tabata actuando un tiki straño.
Pues ta pidi na cualkier instancia, organisacion, veterinario of departamento cu por brinda ayudo na e animalito aki pa acudi y atende e famoso y kerido residente aki.
Riba Facebook di Bon Dia Aruba, un usuario a comenta cu por trata di “molting”, un proceso natural den cual pato ta perde su pluma y no un malesa. Sinembargo, no por a confirma si esaki ta e caso.
