(AP)—Un pastor Catolico na Bielorusia a ser condena dialuna riba cargonan di traicion pa critica e gobierno y a haya un sentencia di 11 aña, e prome caso di cargonan politicamente stimula contra e clerigo Catolico desde cu Bielorusia a bira independiente den e collapse di e Union sovietica na aña 1991.
E condenacion y sentencia di Rev. Henrykh Akalatovich ta bin mientras autoridadnan Bieloruso ta intensifica nan abordamento riba disentimento prome cu e eleccion presidencial di dia 26 di januari cual casi sigur lo duna presidente autoritario Alexander Lukashenko un di siete termino den oficina.
E Centro di Derecho Humano na Viasna a bisa cu Akalatovich, 64, a rechasa e cargonan di traicion. E grupo a list’e entre 1,265 prisonero politico den e pais. “Pa prome biaha desde e caida di e regimen Comunista, un pastor Catolico na Bielorusia a ser condena riba cargonan criminal cu ta nivela contra prisoneronan politico,” segun representante di Viasna Pavel Sapelka. “E sentencia pisa ta diseña pa intimida y silencia centenares di otro pastornan prome cu e eleccion presidencial na januari.”
Akalatovich, ken ta den costudia desde november 2023, a ser diagnostica cu cancer y a haya operacion net prome cu su detencion. E pastor for di e ciudad di Valozhyn, ken tabata critico di e gobierno den su predicashinan, a ser deteni sin comunicacion, cu oficialnan di prison nengando hende pa mand’e paña y cuminda p’e.
Akalatovich ta entre decenas di miembro di clerigo—Catolico, Ortodox y Protestant—ken a ser deteni, silencia of forsa den exilio pa protesta e eleccion di 2020 cu a duna Lukashenko un di seis termino. E voto disputa cu e oposicion y e West a bisa tabata contamina cu fraude a causa protestanan en masa, pa cual e autoridadnan a responde cu un abordamento amplio cu a mira mas cu 65,000 hende deteni y miles golpia pa polis.
E clerigonan Catolico y Protestant a apoya e manifestacionnan y a hospeda manifestantenan den nan misanan cu tabata particularmente ataca pa represion. Autoridadnan Bieloruso a busca pa trece e clerigonan den liña, repetidamente convocando un reunion cu nan pa discusionnan “preventivo”, controlando website- y rednan social, y percurando cu servicionan di seguridad controla sesionnan di predicashi.
Mientras cu Cristiannan Ortodox ta conta pa 80 porciento di e poblacion, solamente bao di 14 porciento pa Catolico y 2 porciento ta Protestant. Lukashenko, ken a goberna Bielorusia pa casi 30 aña caba y ta describi su mes como un “ateista Ortodox,” a critica e disentimento di e clerigonan durante e manifestacionnan di 2020, urgiendo nan pa “haci nan trabao,” y no stimula inkietud.
Lukashenko ta un di e aliadonan mas cercano di presidente Ruso Vladimir Putin, permitiendo Rusia usa e teritorio di su pais pa manda trupa den Ucrania na februari 2022 y pa desplega algun di su armanan nuclear den Bielorusia.
