Vicario di Aruba, pastoor Andrzej Makowiec a informa cu hunto cu e anuncio cu misa a habri e siman aki, e les di catisashi y otro tipo di reunion di formacion, nan lo por sigui tambe respetando e reglanan di distancia y higiena.
Tambe nan ta bolbe duna servicio na hospital. Pa algun tempo debi na e crisis di Covid-19, nan a yega di bay solamente pa caso di suma urgencia, ora hende ta pidi Santo Oleo. Pero entrante dialuna ultimo tin pastoor na turno, caminda e hende por yama si tin cierto urgencia pa atencion di enfermo den hospital, pero tambe na cas.
Pastoor Andrzej Makowiec a laga sa cu nan mester di hendenan di bon boluntad pa brinda su ayudo den e accion di limpiesa di misa. Pero tambe pa atende cu hand sanitizer, ora cu e hendenan ta drenta y sali for di e misa.
