Dialuna ultimo, pader Andi a dicidi di uni su mes na e grupo di Venezolano cu a bay manifesta pacificamente dilanti di Consulado di Venezuela na Aruba.
Ta masha poco comun na Aruba di por wak un pastoor Catolico participa den un protesta pacifico. Tin parokianonan cu no ta comparti e echo cu e pastoor aki a bay expresa su mal contento cu e situacion cu su pais Venezuela ta pasando aden, uniendo su mes na e protesta aki. E mesun reaccion a produci basta aña pasa e echo cu ex pastoor Catolico, Armando “Rudy” Lampe, conoci como Pader Lampe, a participa den un protesta cu a ocasiona cu el a bay cera.
Bon Dia Aruba a papia cu pader Andi kende a laga sa cu no solamente como Venezolano e ta protesta, sino varios di su paisano tambe cu ta biba na Aruba a uni pa participa pacificamente den e accion aki.
“Dal duel nos cu hendenan jong pa consecuencia di un represion y violencia ta muri. P’esey awe nos ta protesta pacificamente na Aruba”, el a bisa
