Paspoort Hulandes un di esun mas valioso na mundo

Bo paspoort tin un impacto grandi den bo bida. E ta determina con facil bo por biaha pa otro pais, cua paisnan bo lo mester di un Visa pa por bishita y unda bo por qualifica pa biba of traha.

E por afecta tur tipo di relacion y por ta un factor hopi importante den determina bo carera of oportunidadnan den bida.

Tin persona cu mester di casa pa un paspoort, mientras tin parehanan y famianan cu ta keda leu for di otro door di tin e paspoort ”robes”. E paspoort hulandes no tin asina hopi restriccion, esaki segun un reporte riba www.Iamexpat.nl ta e motibo dicon e paspoort hulandes ta un di esunnan mas valioso na
mundo.

Paspoort cu ta ofrece mas cu djis biahamento sin restriccion
Cierto paspoort ta pone e mundo na bo pia, mientras otronan ta
severamente limita bo opcionnan y ta haci bo dependiente riba regulacionan
di immigracion y e buena voluntad di paisnan mas rico.

Por wel di ta cu e no ta justo, door cu ningun persona ta kies unda nan ta nace, pero tin djis cierto paspoort cu ta mas valioso cu otronan.
Den otro palabra, nan por habri mas porta pabo y pa e motibo aki nan ta considera di tin mas ‘balor’.

Paspoortnan di mas poderoso na mundo

E paspoortnan di mas poderoso na mundo ta haci posibel pa por bishita 171 te cu 173 pais respectivamente.  Ora cu bo tin un paspoort Hulandes, bo por bishita te cu 171 pais sin tin mester di un Visa.

Paspoort cu ta permiti bo bishita 173 pais:
>Alemania
>UK

Paspoort cu ta permiti bo bishita 172 pais:
>Finlandia
>Suecia
>USA

Paspoort cu ta permiti bo bishita 171 pais:
> Hulanda
> Dinamarca
> Francia
> Italia
> Japon
> Republica di Sur Korea
> Luxemburg
> Noruega

Paspoort menos valioso
Cu un di e paspoortnan aki bo por bishita menos cu 35 pais:
>Ethiopia
>Sudan
>Sur Sudan
>Nepal
>Eritrea
>Palestina
>Syria
>Pakistan
>Somalia
>Iraq
>Afghanistan

source:EXPAT