Partidonan di coalicion ta contra plan pa duna localnan prioridad pa casnan ocupa pa propietarionan

(NLTimes)—Partidonan di coalicion VVD y D66 ta contra e plan di minister Hugo de Jonge (Vivienda) pa laga municipionan priorisa localnan pa casnan barata cu ta ocupa pa propietarionan. Priorisacion asina ta hustificabel pa casnan di huur of casnan nobo, pero ta bay demasiado leu ora ta trata di casnan traha caba cu tin doño, nan a bisa.

Aña pasa, Minister de Jonge a anuncia plannan pa laga municipionan duna mita di tur cas cu doño y di huur pa residentenan local of hende cu un profesion crucial, manera docente y nurse. Segun e minister, hopi biaha hende no por haya cas barata den ciudad unda nan tin amigo y origen den e comunidad.

Pa casnan ocupa pa doñonan, e prioridad ta bay aplica solamente pa casnan cu ta bay bao di e plan Nacional pa Garantia di Hipoteca—casnan cu ta costa 405.000 euro of menos. Pa casnan di huur, municipionan por duna localnan prioridad den tur rango di prijs, tanten cu nan prueba cu tin un deficit di casnan di huur den e rango.

Tweede Kamer ta bay debati e plannan ki diaranson. VVD y D66 ta bay presenta un propuesta pa un enmeinda pa kita casnan ocupa pa doño for di e lista di prioridad.

“Pues ora bo bende bo cas—pa cual bo a traha duro—y un consehal ta dicidi pa ken bo por bend’e,” Parlamentario Faissal Boulakjar a bisa subrayando e parti di e plan. “Esey no ta bon. Esaki ta tocante e libertad di hende pa scoge pa nan mes.”

Parlamentario Peter de Groot di VVD ta preocupa cu e medida ta bay afecta e balor di un cas, pasobra ta bay tin menos cumprado. “E ora hende por haci un oferta mas abao. Esey si ta bay demasiado leu.” De Groot lo solamente ta di acuerdo cu e propuesta di de Jonge si e kita e casnan aki for di e lista. “Si no ta posibel pa kita e casnan ocupa pa doño, nos ta bay vota contra dje.”

E otro dos partido di coalicion, ChristenUnie y CDA, ta plania pa apoya e propuesta manera e ta. “Esaki ta trata di traha un comunidad,” Parlamentario Pieter Grinwis (CU) a conta NOS. “Nos no mester djis laga esaki na un individual cu por ofrece un prijs hopi caro y asina descurasha localnan.” El a yama e rechaso di VVD y D66 “individualismo liberal tipico.”