(NLTimes) – E experto politico asigna pa mira si e dialogonan inicial por progesa na e fomracion di un gabinete nobo a publica su prome reportahe riba dialuna tocante e combersacionnan cu el a tin cu e lidernan di partido despues di luna pasa su eleccion.

Den e documento di 5 pagina, Ronald Plasterk a conseha un ronda nobo di dialogo pa mira si PVV, VVD, NSC y BBB por yega un acuerdo inicial riba topiconan clave tocante e preservacion di e Constitucion, derechonan fundamental y regla di ley prome cu mira si nan por yega un posicion comun riba un multitud di otro topiconan cu e proximo gabinete mester atende.

Plasterk a otorga un copia di su reportahe na Roelien Kamminga, ken ta e president interino di Tweede Kamer. Den su reportahe, Plasterk a skirbi cu e 4 partidonan aki awo mester trata e seleccion di un lider di dialogo informal, un “informante”, cu lo investiga si por yega un acuerdo riba e topiconan aki.

Solamente na momento cu e partidonan aki yega un posicion comun den e puntonan inicial aki e informante pro evalua con posibel ta yega un posicion comun den e otro topiconan mas amplio. Esakinan ta inclui migracion, siguridad social, bon gobernacion, politica internacional, clima, nitrogeno, agricultura, horticultura y piscamento. Aunke “politica internacional” ta menciona di manera amplio, fondo pa Ukrania no ta menciona specificamente. E problema ta un topico clave durante e campañanan politico prome cu e elecion y tabatin un diferencia grandi contra PVV, ken kier corta e sosten na Ucrania y ambos VVD cu NSC.

Plasterk a skirbi tambe den su reportahe cu Omtzigt no kier uni na un gabinete di minoria do PVV, NSC y BBB pero ta posiblemente dispuesto na sostene un coalicion di PVV, VVD y BBB for di Tweede Kamer. “E no ta dispuesto, parcialmente a causa di PVV su programa di eleccion y e declaracionnan haci pa lider di PVV y su relacion cu e Constitucion, pa cuminsa negociacionnan cu PVV riba un gobierno sea minoria of mayoria actualmente. Prome mester keda cla si e otro partidonan ta comparti un comprension comun di e regla di ley,” e expero a skirbi.

Varios partido ya caba a expresa preocupacionnan grandi tocante e metanan inconstitucional den PVV su programa di eleccion, prohibiendo Moskee y Koran ademas di blokia e recepcion di mas solicitante di asilo por ehempel. Tambenan ta den desacuerdo pa cu ki forma e gabinete mester tuma. E obhetivo di e fase di informacion preliminar, manera Plasterk a delinea, ta pa “determina si tin un base pa mas ronda di informacion riba un tipo di cooperacion politico cu lo forma e fundeshi pa un gabinete stabiel.” E ronda di informacion preliminar mester tuma luga entre december di aña 2023 y januari di aña 2024, cu e informante premira di otorga un reportahe na president di Tweede Kamer pa comienso di februari lo mas tardar.

Tweede Kamer lo tin un debate tocante e reportahe riba diaranson. Tipicamente, e parlamentarionan ta selecciona un of dos “informante” cu ta organisa e dialogo cu e partidonan sugeri pa e experto y ta negocia un acuerdo di coalicion.