Parlamentario Hulandes Ronald Raak di partido SP ta haya mas investigacion necesario pa determina si minister di Enseñansa Michelle Hooyboer – Winklaar a comete fraude. Esaki den e destaho pa un seguro pa studiante Arubano na Hulanda. InsureToStudy a gana e destaho aki.
Raak a manda un carta pa Plasterk. E ta basa su mes riba e articulo cu recientemente a sali den De Telegraaf (‘De bende rond Eman’) y e veredicto den e caso cu minister Winklaar a entama, pidiendo un rectificacion di Solo di Pueblo. E corant aki a publica diferente biaha riba e destaho, cuestiona e desicion pa scoge InsureToStudy. E compania a keda lanta solamente dos siman prome e destaho y e casa di e minister tabatin contacto cu e accionistanan di e compania.
E politico Hulandes a haci diferente preguna na minister Plasterk. Entre otro ta menciona cu minister Winklaar nunca a contesta realmente preguntanan di prensa riba esaki y tampoco a tuma inciativa pa aclaria e stituacion. Algo cu hues den e veredicto tambe ta asombra. E hues a dicta cu minister Winklaar no por exigi un rectificacion pasobra e corant tabatin suficiente base pe publicacionnan. Y minister no a duna suficiente informacion cu e compania nobo ta forma parti di e grupo di seguro profesional (Jonker-Schotte Adviesgroep)
Esaki fuente Amigoe Aruba a publica.
