(NLTimes)—Dos politico for di e partido Cristian conservativo SGP lo biaha pa Roma e siman aki pa firma un declaracion internacional contra subrogacion. Miembro di e parlamento Europeo Bert-Jan Riussen y parlamentario Diederik van Dijk ta pensa cu hopi hende ta contra subrogacion pero no ta tribi di bisa “pa miedo di e lobbymento feroz biniendo for di e skina LGBTI,” NOS a reporta.
E dos politico a yama subrogacion un “practica inhumano” cu ta bay en contra di e interes di “mucha- y hendenan muhe vulnerable.” Subrogacion ta “absolutamente no OK,” nan a bisa. “Baby ta ser tuma di nan mam, y hende muhe ta ser explota y reduci pa uteronan,” e politiconan a bisa. Nan partido tambe ta en contra di permiti hende muhe termina embarasonan no desea.
E dos lo ta e “prome politiconan Hulandes” pa firma e Declaracion Casablanca, cual a ser crea na Maroco aña pasa y tin aproximadamente centenares di firma. Nan a haci un yamado na coleganan pa tambe apoya e declaracion aki.
Tin un legislacion den Tweede Kamer pa regula miho subrogacion den Hulanda. Entre otro, e lo permiti corte pa declara parehanan buscando pa haya yiu via subrogacion como mayornan legal di e mucha prome cu e mama suplente cay na estado. Probable mayornan tambe por yama pa un mama suplente, cual ta algo cu actualmente ta prohibi. E mayornan y suplente mester conclui un acuerdo den presencia di nan abogado, y e mama suplente por ricibi reembolso maximo di su gastonan durante embaraso.
