MOSCU (AP) — E camara baho Parlamento Ruso a adopta legislacion cu lo expande control gubernamental riba internet, lantando miedo y preocupacion tocante censura amplio.
E Duma di Estado ayera cu un mayoria aplastante a vota na fabor di e legislacion, cual ainda mester wordo aproba pa e camara halto di Parlamento y firma pa e presidente prome cu bira un ley.
E legislacion ta rekeri proveedonan di internet instala un aparato pa manda trafico di internet Ruso a traves di servers den e pais. Esey lo eleva e poder di agencianan estatal pa controla informacion, mientras usuarionan lo haya mas dificil pa evadi restriccionnan gubernamental, y e calidad di e conexion por wordo afecta.
Proponentenan di e legislacion ta bisa e ta un medida di defensa, den caso cu Merca of otro poder hostil corta internet pa Rusia.
