Parlamento Hulandes (1).jpg

 Parlamentario Hulandes Alexander Pechtold (D66) a entrega preguntanan riba e nombramento di gobernador Alfonso Boekhoudt. E ta pidi un aclaracion for di minister di Asuntonan di Reino, Ronald Plasterk.

 

Sr. Pechtold a entrega su preguntanan diaranson riba e proceso. E kier sa di e minister si e nombramento cana segun e reglanan di Statuut di Reino, e Reglamento di Ordo di Gobernador y e procedura palabra di nombramento.

E tambe kier sa si nan a evalua e candidato riba e punto di conflicto di interes. E parlamentario tambe a puntra riba cua puntanan e minister a desvia di e procedura di nombramento. Y pakico e minister a haci’e, teniendo na cuenta cu esaki por causa un precedente.

 

Pa motibo di esaki e parlamentario Pechtold ta pidi minister Plasterk con por evita conflictonan den futuro pa cu e nombramento di gobernadornan. Y tambe si e paisnan concerni tin espacio pa protesta momento cu nan no ta di acuerdo cu e decision sea proceso cana.

 

Aruba y Hulanda/Reino a yega na un acuerdo finalmente riba e nombramento di sr. Boekhoudt. Pero nan ta dividi riba e proceso cana. Segun minister Plasterk e nombramento a bay den un forma legal. Pero Aruba ta bisa cu esaki no ta e caso y cu minister Plasterk mes a admiti cu ‘erornan grave’ a tuma luga.