Tweede Kamer na Hulanda a sostene e mocion di partido Groen Links pa urgi gobierno di haci un sondeo profundo pa un miho defensa di e islanan Caribense Hulandes contra Venezuela.
Punto importante ta pa wak si otro paisnan occidental ta disponibel pa yuda fortalece e defensa di e islanan.
E partido a entrega e mocion durante e Notaoverleg riba 28 di mei. Segun e miembro di e partido Isabelle Diks mester un defensa mas fuerte como cu Venezuela ta den un situacion debil.
