(AP)—Legisladonan Europeo a adopta un resolucion ayera yamando pa un alto el fuego den e guera di Israel contra Hamas, riba e condicion cu e grupo militante Palestino na Gaza ser desmantela y cu tur rehen cu e tin ser libera.
E conflicto a dividi paisnan den Union Europeo y gruponan politico na e legislatura, y yegando na un consenso riba e fraselogia di e resolucion no tabata un tarea facil. E texto original a subraya e necesidad pa un alto el fuego permanente. Esaki a ser adopta despues di cu enmienda proponi pa legisladonan conservativo a ser aproba, insistiendo cu Hamas mester ser desmantela pa e alto el fuego por tuma luga y yamando pa un liberacion inmediato y incondicional di tur rehen cu a resta.
E resolucion, cual no ta vinculante y hopi simbolico, a ser adopta pa 312 voto en fabor, 131 en contra y 72 ausencia. Esaki tabata e prome biaha cu e parlamento a yama pa un alto el fuego despues cu legisladonan a acorda den october riba un yamado pa un “pausa humanitario.”
E enmienda ta insisti cu tur rehen ser “inmediatamente y incondicionalmente libera y cu e organisacion terorista Hamas ser desmantela.” Militantenan Palestino ainda ta poniendo resistencia na Gaza entre e campañanan militar mas fatal den historia recien. Mas cu 24,400 Palestino a ser asesina. Aproximadamente 85% di e poblacion di 2.3 miyon hende den teritorio costero a huy for di cas, y e Organisacion di Nacionnan Uni (ONU) ta bisa cu un kwart di e poblacion ta muriendo di hamber.
Israel a priminti pa desmantela Hamas pa sigura cu e no ripiti e atake di dia 7 di october riba tera Israeli, cual a causa e plamamento di guera. Militantenan a invadi e defensanan di frontera di Israel y a redada varios comunidad e dia ey, matando mas di 1,200 hende, mayoria civil, y a captura rond di 250, tumando back na Gaza como rehen.
Desde e atake, e bloque tin dificultad di yega na un balans entre condenando Hamas, apoyando e derecho di Israel pa defende su mes, y sigurando cu e derechonan civil di ambos banda ta protegi bao ley internacional.
Hamas ta riba e lista di UE di gruponan terorista. Legisladonan Europeo tambe a expresa nan “preocupacion na e situacion humanitario deteriorando na Gaza” y a puntra pa e “solucion di dos estado” entre Israel y Palestinonan ser rebiba, y pa e fin di e ocupacion Israeli di teritorionan Palestino.
Parlamento di Union Europeo ta adopta resolucion yamando pa alto el fuego permanente na Gaza
(AP)—Legisladonan Europeo a adopta un resolucion ayera yamando pa un alto el fuego den e guera di Israel contra Hamas, riba e condicion cu e grupo militante Palestino na Gaza ser desmantela y cu tur rehen cu e tin ser libera.
E conflicto a dividi paisnan den Union Europeo y gruponan politico na e legislatura, y yegando na un consenso riba e fraselogia di e resolucion no tabata un tarea facil. E texto original a subraya e necesidad pa un alto el fuego permanente. Esaki a ser adopta despues di cu enmienda proponi pa legisladonan conservativo a ser aproba, insistiendo cu Hamas mester ser desmantela pa e alto el fuego por tuma luga y yamando pa un liberacion inmediato y incondicional di tur rehen cu a resta.
E resolucion, cual no ta vinculante y hopi simbolico, a ser adopta pa 312 voto en fabor, 131 en contra y 72 ausencia. Esaki tabata e prome biaha cu e parlamento a yama pa un alto el fuego despues cu legisladonan a acorda den october riba un yamado pa un “pausa humanitario.”
E enmienda ta insisti cu tur rehen ser “inmediatamente y incondicionalmente libera y cu e organisacion terorista Hamas ser desmantela.” Militantenan Palestino ainda ta poniendo resistencia na Gaza entre e campañanan militar mas fatal den historia recien. Mas cu 24,400 Palestino a ser asesina. Aproximadamente 85% di e poblacion di 2.3 miyon hende den teritorio costero a huy for di cas, y e Organisacion di Nacionnan Uni (ONU) ta bisa cu un kwart di e poblacion ta muriendo di hamber.
Israel a priminti pa desmantela Hamas pa sigura cu e no ripiti e atake di dia 7 di october riba tera Israeli, cual a causa e plamamento di guera. Militantenan a invadi e defensanan di frontera di Israel y a redada varios comunidad e dia ey, matando mas di 1,200 hende, mayoria civil, y a captura rond di 250, tumando back na Gaza como rehen.
Desde e atake, e bloque tin dificultad di yega na un balans entre condenando Hamas, apoyando e derecho di Israel pa defende su mes, y sigurando cu e derechonan civil di ambos banda ta protegi bao ley internacional.
Hamas ta riba e lista di UE di gruponan terorista. Legisladonan Europeo tambe a expresa nan “preocupacion na e situacion humanitario deteriorando na Gaza” y a puntra pa e “solucion di dos estado” entre Israel y Palestinonan ser rebiba, y pa e fin di e ocupacion Israeli di teritorionan Palestino.
