Asamblea Nacional di Cuba a ratifica Miguel Díaz-Canel como Presidente di Republica. E figura aki a keda elimina na 1976, pero a reestablece bek bou e Constitucion nobo, cu a ser someti na referendum na final di februari y cu a drenta na vigencia den april. E cargo aki a ser ratifica na juli cu aprobacion di Ley Electoral nobo.
Tabata e mesun Parlamento cu a eligi Díaz-Canel na 2018 pa reemplasa Raúl Castro. Pero e titulo cu a haya na e momentonan ey no tabata Presidente di Republica precisamente, sino presidente di Conseho di Estado y Conseho di Minister, un figura cu a converti den lider politico di isla y representante di Estado.
E Carta Magna nobo tambe a trece dos funcion nobo: Vice Presidente di Republica, eligi durante e sesion di diahuebs pasa y cual lo bay ta ocupa pa Salvador Valdés Mesa, y di Prome Minister, cu lo bay nombra na december.
E prome minister aki lo tuma e mando di gobierno al frente di Conseho di Minister, y lo bay ta lider di gobernador y vice-gobernador di e 15 provincia di e pais (titulo crea den Constitucion nobo), y cu lo ta proponi pa Díaz-Canel pa cada teritorio por vota pa nan.
E cambionan aki ta pone fin na un modelo cu a existi durante decadanan na isla, cu tabata permiti pa su lider por acumula e liderazgo di organo principal na tuma di decision, ademas di e Forsa Arma.
