(CuraçaoChronicle) – Despues di un bishita di trabao na Corsou y Boneiro di un delegacion di Comite di Representante di Cas Hulandes pa Husticia y Seguridad, un total di 41 pregunta a ser entrega pa 6 parlamentario di 6 diferente fraccion politico.

E preguntanan aki, dirigi na dos minister y dos secretario di estado, ta pone bista riba preocupacionnan serio tocante e estado di husticia y seguridad den e parti Caribense di Reino Hulandes. E preguntanan ta enfoca riba e problemanan for di escasez di empleado te cu regulacion den e sector di wega di placa.

E delegacion, cual a inclui Ingrid Michon (VVD), Songül Mutluer (GroenLinks-PvdA), Ulysse Ellian (VVD), Faith Bruyning (Nieuw Sociaal Contract), Hanneke van der Werf (D66), y Michiel van Nispen (SP), a dirigi nan preocupacion na Minister Van Weel (Seguridad y Husticia), Minister Faber (Asilo y Migracion) y Secretarionan di Estado Struycken y Coenradie (ambos encarga cu Husticia y Seguridad). E ministernan y secretarionan di estado a ser pidi pa provee nan respuesta prome cu e comite su debate cu ta den plan pa tuma luga dia 29 di september.

Problemanan clave treci dilanti pa e parlamentarionan ta entre otro;

Escasez di empleado severo den e sector di Husticia:
 Un gran preocupacion cu a trece dilanti ta e falta di empleado significante den practicamente henter e cadena hudicial den e teritorionan Caribense, algun enfrentando un escasez di te hasta 50% di empleado. E Parlamentarionan a puntra con Hulanda por asisti den atende e escaseznan aki, particularmente den forsa policial, Ministerio Publico, Aduana y servicionan di seguridad.

Tambe nan a cuestiona si despliege temporario di personal for di organisacionnan ruman na Hulanda por ta un solucion viabel.

Balans den inversion den e cadena di husticia:
 Otro problema cu a trece dilanti ta tocante e posibel falta di balans cu e inversion den area specifico di e sistema di husticia por causa, manera droga, cual por causa obstaculo den otro partinan di e cadena manera e sistema di prizon y servicio nacional di investigacion. E Parlamentarionan tambe ta buscando solucion pa preveni e tipo di falta di balans aki.

Barera di idioma den programa di training:
 E delegacion tambe a expresa cu e lenguahe usa den e programanan di training pa cierto profesion ta causando problemanan di capacidad severo manera den polis, servicio di bombero y KMAR.

Actualmente, e programanan aki ta ser ehecuta den Hulandes, cual posiblemente no ta cumpli cu e necesidadnan local den Caribe. E Parlamentarionan a puntra si tin posibilidad di traduci of siña partinan di e programa den Ingles of Papiamentu, e idioma local di Corsou y Boneiro.

Escasez di ekipo policial:
 Polis na Corsou no solamente ta luchando cu un escasez di personal pero tambe un falta di ekipo esencial manera arma, vest antibala y vehiculo di polis. E parlamentarionan a puntra si Hulanda por asisti den provee e materialnan aki den cooperacion cu polis nacional.

Sistema den prizon:

Atencion significante a ser presta na e desafionan cu e sistema di prizon ta enfrenta na Corsou, particularmente pa loke ta trata contrabanda via drone, actividadnan criminal andando den e prizon, infrastructura inadecua, falta di emplado y e condicionnan humanitario na SDKK. E parlamentario a cuestiona ken ta carga e responsabilidad pa e problemanan aki y ki rol Hulanda por hunga den atende nan.

Falta di facilidad pa condenadonan cu problemanan di salud mental”
 E ausencia di un facilidad den e 6 islanan pa vivienda safe y tratamento pa esnan condena cu tin problemanan di salud mental tabata otro punto di preocupacion. E parlamentarionan ta pidi pa establece e tipo di facilidadnan aki y a haci pregunta tocante e programa di rehabilitacion y reintegracion dentro di Corsou su sistema di prizon.

Prevencion di crimen den hubentud y sosten pa nan bienestar:
 E parlamentarionan a pidi informacion tambe tocante e extento di e colaboracion entre Hulanda y e paisnan Caribense tocante e prevencion di crimen den hubentud y promocion di e bienestar di e hubentud.

Esaki ta inclui un investigacion tocante si e esfuersonan actual ta suficiente y con nan ta compara na programanan manera “Preventie met gezag” (Prevencion cu Autoridad) na Hulanda.

Regulacion di sector di wega di placa:

E regulacion di e sector di wega di placa den Caribe tambe a ser critica, cu preocupacion tocante problemanan di adicion, e riesgo di infiltracion criminal y labamento di placa. E parlamentarionan a cuestiona si e problemanan aki ta adecuadamente atendi y ki rol Hulanda por a hunga den provee sosten.

Ratificacion di e convenio Lanzarote:

E status di e ratificacion di e convenio Lanzarote pa Corsou tambe a ser cuestiona, conhuntamente cu e designacion di Netherlands Forensic Institute (NFI) como e autoridad central pa cu esaki.

Actualisacion den sector di legislacion di husticia:
 E parlamentarionan a expresa tambe frustracion cu e atraso den ricibi e rapport di e ultimo reunion hudicial quadripartite y a pidi confirmacion si e rapport aki lo ser comparti cu parlamento. Tambe nan a puntra si e dialogo den futuro tocante politica pa e reunionnan aki por ser comparti cu parlamento di antemano y si lo provee feedback despues di esaki.

Evaluacion di e centro di experticio y informacion regional:

Preguntanan a ser haci tambe tocante e prestacion di Regional Information and Expertise Center (RIEC) Caribbean Netherlands na Boneiro, incluyendo e criteria pa exito y e areglonan financiero cu ta sostene esaki.

Prevencion crimen hubenil na islanan BES:

Tambe a trece dilanti preocupacion tocante e recursonan aloca pa preveni crimen hubenil y promocion di involucra mayornan na islanan BES (Bonaire, St. Eustatius, and Saba) y con e esfuersonan aki ta compara na programanan similar na Hulanda.

E parlamentario a pidi contesta detaya na e preguntanan aki pa no mas tardar cu 22 di september, prome cu e comite su debate tocante e sistema hudicial den e parti Caribense di e Reino. E contestanan ta anticipa di provee claridad riba e gobierno su posicion y su plan den duna sosten na e husticia y seguridad den su teritorionan Caribense, atendiendo e problemanan importante cu a enfatisa durante e delegacion su bishita.