(NLTimes) – Parti di Parlamento Hulandes kier pa gobierno investiga si anti-Semitismo por ser usa como base of motibo pa rechasa of retira un persona su permiso pa residencia na Hulanda. Un mayoria Parlamentario a expresa sosten di un mocion di SGP su parlamentario Diedrijk van Dijk.

E partido conservativo Cristian a describi anti-Semitismo como un “maldad” cu mester ser “combati vigorosamente” na Hulanda. Van Dijk a señala cu e cantidad di incidente anti-Semitico na Hulanda ta den aumento, specialmente desde e comienso di e guera entre Israel y Hamas.

Van Dijk kier pa Hulanda sigui e pasonan di Alemania. Aki, ya caba ta posibel deporta stranheronan cu ser haya culpabel di anti-Semitismo y e pais ta trahando riba un politica mas estricto pa nenga hendenan e ciudadania Aleman basa riba esaki segun e mocion. E ta pensa cu Hulanda mester por lo menos duna anti-Semitismo mas peso den e proceso di tuma un decision ora di evalua solicitacionnan pa asilo of otro formanan di residencia.

E mocion di SGP a ser firma pa parlamentarionan di VVD, BBB, y NSC, 3 di e 4 partidonan cu actualmente ta den e discusion di forma e proximo gobiern.