Diasabra ultimo Parlamentarionan Endy Croes y Rocco Tjon den un programa edicion special di Interes di Pueblo a amplia riba e negociacionnan cu Hulanda.
Un programa amplio varia conectando Parlamento cu Pueblo:
Por a tuma nota cu e programa tabata tin un acogida grandi. Un intercambio cu pueblo al instante unda pueblo tabata yama pa haci nan preguntanan y tabata ricibi nan contesta al caso. Aunke e programa tabata dirigi riba negociacionnan cu Hulanda por a tuma nota cu ambos Parlamentario tabata prepara pa contesta riba tur otro tereno manera cu preguntanan tabata wordo lansa. Entre otro a ricibi preguntanan riba e reunion di segunda tanda cu Minister Marisol Lopez Tromp unda Parlamentarionan a confirma cu manera cu negociacionnan cu Prome Minister y Minister Marisol Lopez Tromp termina esaki lo continua. Pueblo tin derecho di sa tur berdad. Alrespecto Corupcion tanto Rocco Tjon como Endy Croes a amplia riba e tema dunando ehempelnan bibo manera caso IBIS ( Paul Croes di AVP), Avestruz ( Benny Sevinger di AVP), Wasmashin ( Mike Eman di AVP), Bo Aruba ( Mike Eman di AVP) esta tur kehonan oficial a wordo entrega y ta andando. Banda di esaki caso Flamingo cual tambe ta andando y basa riba resultado di investigacionnan andando cada persona mester responsabilisa nan mes pa nan actonan. A ricibi preguntanan riba desaroyo di refineria unda a repasa e proceso amplio di destaho publico cu a caba di tuma lugar. Pues hopi variacion banda di e topico Hulanda.
Rocco Tjon y Endy Croes a profundisa riba e materia:
Pa locual ta negociacionnan cu Hulanda a splica den detaye kico tin riba mesa awor. Esta (2) Rijkswet cu ta podera Hulanda den masha hopi aspecto tanto riba tereno gubernamental, semi gubernamental y te hasta priva. Por ehempel centralisa compra pa tur 3 isla. Es decir e entidad ta dicidi unda ta cumpra y lo por scoge un compania Hulandes pa bende 3 islanan muebles pa kantoor na un mihor prijs. Negoshinan local lo bay sufri y cera den futuro. Otro ehempel unda ta mina autoridad te hasta di Algemene Rekenkamer. Un conseho di Prof.mr.Hoogers di Hulanda recien a splica esaki den detaye cu e manera cu Hulanda kier impone e (2) Rijkswetnan aki no ta e forma corecto. Parlamento a prepara (2) Protocol y (2) Landsverordering hunto cu un gekwalificeerde meerderheid como un extra safety valve pa Hulanda cual ta un modelo mucho mas husto conforme Statuut y sigur mas aceptabel logrando mesun propositonan cu tanto Hulanda y Aruba kier. Lo keda pendiente e siman aki pa mira si Hulanda tin e disponibilidad pa debati riba esaki. Terminando por a conclui cu Pueblo ta atento y a keda masha contento cu e programa exigiendo mas programanan informativo pa asina mantene nan al tanto di tur desaroyo. Fraccion di MEP lo percura segun cu tin espacio pa por continua cu tipo di programanan asina.
