Parlamentario Giselle Mc William ta dispuesto pa acepta e disculpa di su colega Jacintha Constancia, relaciona cu e agresion cu a tuma luga den parlamento dia 23 di februari ultimo. Pero e reconciliacion no mester tuma luga den prensa. Asina Giselle Mc William ta splica ayera den un comunicado.
Segun Mc William, recientemente el a constata cu Jacinta Constancia a pidi publicamente un disculpa na su persona y na pueblo di Corsou en general despues cu el a wordo agredi di sorpresa den sala di Parlamento. E agresion a tuma luga: “Pa e echo cu despues di a tilda ami cu mi famia di actonan di fraude y ami na mi turno a splica na placa chikito cu esaki no ta cuadra cu realidad y mustrando sra. Constancia riba echonan cu si a bay robes relaciona cu compra di mondkapjes y a dicidi na e momento ey, pa dal mi un wanta di traicion den e organo di mas importante di e Pais aki”.
Mc William ta insisti, cu debate den sala di Parlamento mester ta riba problemanan cu tin di haber cu nos Pais y no riba bida personal di ningun hende. ‘Lo tabata remarcabel, cu despues cu sra. Constancia a uza su turno pa Giselle Mc William ta acepta disculpa y reconciliacion di Jacinta Constancia pero no den presencia di prensa! atake personal sin base, den mi direccion, keda sin mustra riba un caso penal cu ta ampliamente comenta cu envolvimento di sra. Constancia. Mester compronde si, cu bou di ningun circunstancia agresion fisico ta aceptabel, sigur no den un sala di Parlamento’. Tur hende mester compronde cu e acto di sra. Constancia no ta solamente un daño fisico na mi persona, pero tambe daño psicologico na su persona y su yiunan, mescos tambe tur hende muhe, homber y nos hobennan cu ta victima di agresion y violencia tur dia den e Pais aki. Asina Mc William ta sigui mencion. Ademas, e acto a bolbe hinca Parlamento como organo halto di e comunidad aki y nos Pais den luz hopi negativo, mas ainda via e imagennan di e suceso den Parlamento cu a bay rond mundo.
Cu hopi dolor mester mira un Pais, cu a sa di destaca y demostra mundo e balor di hende muhe, cu ta prominente den nos gobernacion y Parlamento, yega na e nivel cu nos a experencia aki. Lamentablemente ta hende muhe mes a deslusi e logro di e Pais aki. “Sinembargo, ami ta dispuesto di saca e man di aceptacion di disculpa y reconciliacion berdadero. Pa esey ami no mester di camara, microfon ni niun forma di publicidad. Un proceso di reconciliacion real no ta start cu publicidad pa gana simpatia publico”. Ta remarcabel, cu te ayera, e cu a keda garoti fisicamente, no a haya niun yamada di personal ni di Presidente di Parlamento, ni di sra. Constancia mes pa wak con a sigui cu mi estado di salud, mientras ta tene un reunion publico cu participacion di sra. Constancia, sin niun palabra riba e acto di Presidente riba e acto, manera nada no a pasa.
“A caso e victima y e periodo cu esaki mester pa recupera no ta importante den bista di e agresor of esunnan cu ta sostene?”, Mc William ta puntra. “Pais ta na prome luga pa mi y e capitulo aki ta cera pa mi persona. Sobra ta keda na Husticia y den man di Dios Tata Todopoderoso”. Asina Giselle Mc William, ta conclui.
