Banda di ta atende cu e situacion grave di COVID, Gobierno ta sigui percura pa introduci servicionan mas dirigi y cu pa hopi tempo tabata desea.
Diabierna ultimo Minister Maduro conhuntamente cu Departamento di asuntonan Economico a lansa oficialmente e e-forms cu ta haci e proceso di peticion di permiso pa negoshi uno ful digital. Haciendo uso di innovacion den tecnologia Departamento di asuntonan Economico ta dal un paso grandi den elimina red tape pa asina por sigura cu e proceso pa lanta un negoshi na Aruba por bay na un forma mas acelera.
Asina tambe nos por mira con ta duna contenido tambe na e acelerando ‘Elimination of Red-Tape and improvement of process efficiencies’ cu ta forma parti di e 5 puntonan di prioridad cu ta keda trata den e Masterplan Repositioning our sails.
Mi ta convenci cu comercio y esunnan cu ta desea pa cuminsa un negoshi lo ta hopi contento cu e e-forms aki. Algo cu pa añanan caba ta keda pidi pe y cu porfin awe Gabinete Wever-Croes ta haci un realidad.
Sigur palabranan di pabien y elogio ta na su luga pa Minister Xiomara Maduro, Departamento di asuntonan Economico y tambe na ITP Caribbean y Futura cu a yuda pa e proyecto importante aki por a keda finalisa.
