Como fraccion di MEP nos ta sumamente satisfecho cu dentro di poco pais Aruba lo tin su propio radarnan bek. Esaki ta mustra tambe cu gabinete Wever-Croes ta mantene nan mes na e presupuesto aproba.
Balor agrega radar
E balor agrega pa loke ta nos propio radarnan ta inmenso. E lo percura pa eleva siguridad na nos frontera y asina mitiga e entrada di ilegalnan na nos frontera.
Nos cuerponan lo por traha mucho mas eficiente traves di e informacion cu e radarnan ta genera. Y asina ta eleva siguridad pa personal di e diferente cuerponan cu ta haci e trabou aki.
Pa conclui
Manera minister di Husticia a anuncia dentro di poco e radarnan lo ta na Aruba pa asina por cuminsa cu e instalacion.
Cu firmamento di e documentonan rekeri pa por adkiri e radarnan pa Cuerpo Policial, Gabinete Wever-Croes ta demostra su compromiso pa eleva siguridad na nos frontera.
