Manera ta conoci na final di aña pasa Sevinger durante un conferencia di prensa lo a trece acusacionnan padilanti contra mi persona. E acusacionnan aki tawata regarda mi yiu caminda cu Benny Sevinger a yama mi pa pedofiel y e hecho cu mi lo a supuestamente gaña pa por a bira director di KIA.
Despues cu mi a entama un caso contra Benny Sevinger, awe hues a duna mi razon. Den su sentencia hues ta bisa cu Benny Sevinger a actua ‘onrechtmatig’ contra mi persona y cu su expresionnan ta falso. Literalmente hues ta bisa cu mi persona a haya rason pasobra e acusacionnan di Benny Sevinger contra mi persona ta falso!
Un copia di e sentencia mi a manda caba pa prensa. Otro siman lo mi elabora riba e sentencia y duna un splicacion amplio riba su contenido pa pueblo ta debidamente informa y asina haya sa e tipo di politica cu Benny Sevinger ta para pe y practica.
Nota di redaccion: E copia completo di e sentencia ta disponibel riba nos website bondia.com.
https://drive.google.com/drive/folders/1C9NjQn0ojlbHXgH0dAAKXNjCW0mKSKqL?usp=sharing
Comments are closed.