Corte di prome instancia a declara miembro di parlamento Frans Richardson, ex director Ehecutivo di Port Authority Mark Mingo y e empresario O’Neal Arrindell culpabel den e investigacion “Emerald” di gran scala den e waf di Sint Maarten.
Parlamentario Richardson a ser sentencia na 36 luna di prizon pa acepta $370.000 como reconpensa pa apoyo politico pa un proyecto di ‘dedeing’, labamento di placa y fraude fiscal. Ademas a ser kita di su derechonan electoral pasivo pa un periodo di cinco aña.
Mingo a ser sentencia na un condena di prizon di 46 luna pa falsificacion di documentonan y estafa na e Waf di Sint Maarten pa alrededor di 10 miyon dollar. Tambe el a wordo prohibi di traha como director di Waf o na cualkier empresa estatal pa un periodo di seis aña, Corte a dicta diaranson ultimo.
Mingo a ser sentencia na prizon pa 46 luna pa falsificacion di documentonan y co-autor di estafa, e empresario di Sint Maarten O’Neal Arrindell, kende tambe a ser declara culpabel di posicion di arma di candela, fraude di impuesto y soborno di diputado Richardson, a ser sentencia na 66 luna di prizon.
“ Corte di prome instancia ta considera e echo proba ta hopi dañino pa e confiansa di e hendenan di Sint Maarten meter por pone personanan den posicionnan importante, manera politiconan y administradonan di companianan di gobierno. E accion di e sospechosonan di kende demas ta depende riba nan y kende ta ser admira, tambe tin un influencia socavodor den sociedad”, corte a bisa den un comunicado di prensa breve.
E hues a rechasa e solicitud do e fiscal pa encarcelamento inmediatamente pa Richardson, Mingo y Arrindell, pa motibo cu nan detencion a wordo suspendi pa bastante tempo. Nan tin dos siman pa presenta un apelacion.
