Autoridadnan di Team Bestrijding Ondermijning (TBO) a detene Parlamentario Richardson ayera na St.Maarten. Ministerio Publico no ta indica e nomber completo, pero ta conoci cu ta trata di e Parlamentario Frans Richardson kende ta lider di United St.Maarten Peoples Party (USP).
Autoridad a detene Frans ayera y ta akus’e di soborno, tambe cu e ta haci mal uzo di su funcion pa saca beneficio, asina Roderick Gouverneur di Ministerio Publico a confirma. Den pasado tambe a yega di detene Frans pa otro caso caminda tambe e tabata envolvi cu mesun tipo di delitonan. Den e tempo ey tabata trata e corupcion rond di haf di St.Maarten den cua Frans a keda 10 cera acusa di fraude y corupcion. Anteriormente tabatin otro investigacion riba cumpramento di voto cu tambe a menciona posibel participacion di Frans.
E team TBO cu ta specialisa pa actua contra casonan di corupcion y criminalidad den ambito financiero economico. E team ta investiga casonan relaciona cu labamento di placa, falsificacion y fraude.
