Parlamentario di MFK Ramon Yung ta di opinion cu mester traha riba conscientisacion den nos comunidad riba abuso di violencia domestico. Segun e parlamentario tin mucho fundacion cu ta trata banda di otro.
Segun e parlamentario loke cu ta e parti di conscientisacion y atende cu victimanan por ehempel di abuso sexual y violencia domestico no ta haya e atencion debido, sinembargo tin diferente organisacion cu ta practica e mes un tipo di casonan.
Hopi biaha e organisacionnan aki no ta traha cu otro pero banda di otro manera nan ta bisa na hulandes ‘’ langs elkaar heen’’. No sa si ta pa motibo di ego cu cada ken e caso lo keda den nan propio organisacion y cada organisacion porta kier bay score cu e dolor di un victima cu ta nan a haya e caso y cu ta nan ta atendiendo.
Segun Parlamentario di MFK Ramon Yung ta kere cu cada organisacion cu ta traha riba maltrato di mucha, abuso di mucha , casonan di violencia domestico , dicon no por uni y traha hunto pa un solo meta. Banda di esey segun Yung ban cuminsa traha hunto tambe cu e partnernan den e cadena hudicial pa por haci algo completo.
