Parlamentario Jennifer Arends-Reyes(AVP): ‘Pa temporada di zomer 2020 compania crucero a cancela casi 70.000 pasahero pa Aruba’

Pa 2020 Gobierno a presupuesta 15 miyon mas na entrada di Tourism Levy pues esaki lo bira 7% pa tur turista stay-over y no ta descarta cu pa Turismo crucero tambe lo aumenta e fee.

Parti di e Cruiseship passenger fee, esta e ‘CPF’ pa añanan largo tawata bayendo pa entre otro Arutram, Cosecha cu ta arte y Museonan, sperando cu e aporte aki di e turismo crucero por continua pa futuro mirando e balor agrega di cada un di nan. Na varios ocasion sra. Arends-Reyes a menciona cu e proyecto di Port City no mag en particular competi y caba cu centro di ciudad mirando cu si no implementa e proyecto bon e por bira un ‘net’ pa tene Turismo eynan so, siendo cu e autenticidad den museo, arte y ambiente mester ta den centro di ciudad y Port City lo mester complement’e y traha hunto pa logra yega na un area balansa cu hopi pa ofrece. Turismo crucero ta yegando su ‘peak’ pa Aruba cu ta 800 mil pasahero plus pa aña cu di un banda ta aumenta e contribucion na economia pero mester percura pa bin cu bon palabracion y maneho visibel pa locual ta e ‘foot print’ di e cantidad grandi aki di bishitante, diversificacion di atraccionnan cu ta ofrece basa riba experiencia unico, siguridad y autenticidad, mitigacion di aglomeracion, campañanan extra ariba educacion, respet pa nos isla su habitantenan, flora y fauna.

Kico Aruba ta spera di su bishitantenan esaki principalmente mester bay via e tour operators, rentals y tur cu ta traha den e industria. Y tambe campañanan local pa yuda duna e miho ehempel y pa nos norma, balornan, calor y cordialidad no stop di existi. E slogan di ‘one happy island’ no por existi pa turistanan so, localnan mester por sinti esaki tambe. Pa locual ta trata crucero mirando cu nos ta ricibiendo barconan cu cantidad grandi di pasahero y mega ships ya Aruba ta cuminsa conta cu cierto cantidad di entrada den temporadanan y si tin cancelacion e impacto pa nos economia ta sinti’e mes ora, p’esey mester percura pa reserva un bon mix di barco, ta plania cu den zomer cuminsando fin di April ta spera 25 calls menos di Pullmantur cu a cancela y ta nifica den un temporada 70 mil pasahero a cay afo cu ta nifica alrededor di 8 miyon florin menos den nos economia sra Arends-Reyes ta termina bisando.