Parlamentario Goeloe di fraccion Futuro: Cifranan ta mustra cu 87% di comunidad ta sobrepeso of obeso

Parlamentario di fraccion Futuro, sr. Gino Goeloe, recientemente a trece dilanti su preocupacion pa e cifranan di obesidad na Aruba. El a elabora riba un aspceto di plan di gobernacion pa expande e prpgrama di scolnan saludable na Aruba pa educa e alumnonan desde un edad trempan tcoante estilo di bida saludable. Un punto cu gabinete AVP-FUTURO tin inlcui den su plan di gobernacion.

Goeloe a indica cu en berdad cifranan di obesidad ta mustra cu 87% di comunidad ta sobrepeso of obeso. Den pasado a bin e plan pa scolnan saludable, cu actualmente tin 12 scol ta participa, pero kier expaned esnaki na tur e scolnan rond Aruba, cuminsando desde kleuterschool, pa basisschool te voortgezet onderwijs.

El a splica cu hopi biaha hende ta pensa cu scol saludabel ta bay solamente over di e parti di e cuminda, e snacknan cu ta ser bendi na scolnan, pero el a agrega cu mester tene cuneta tambe cu e parti soical y seguridad cu tambe ta forma parti di e plan di scolnan saludable.

“Mi ta ere cu nos plan cu nos tin, ta inclui pa expande e scolnan aki. Semper mi persona den mi trabou anterior a bisa cu mester hinca mas placa den e parti di prevencion di malesa. Eynan mi ta wak cu DVG tin mester haya e parti financiero, si nan no tin’e awo, pa haci mas promocion riba un bida saludabel, den e caso aki mas propaganda na television, radio, motiva hendenan pa cana,” el a indica.

Parlamentario Goeloe a aplaudi e inciativa di diferente compania y/of negoshi cu ta organisa caminatanan pa comunidad. El a remarca cu e caminatanan aki ta un comeinso pa pone Aruba move y esey ta algo cu como gobierno nan ta sostene pa comunidad sigui move y biba un bida saludable.

El a splica cu tin un programa unda ta educa e muchanan den kleuterschool catocante consumo di sucu y ta splica nan con come hopi sucu, bolo, refresco, juice, no ta bon pa e curpa. E programa ta cuminsa di kleuterschool caba unda cu e docente di movecion y salud ta educa e muchanan pa bebe mas hopi posibel awa, y tambe den e parti di cuminda.

E meta, el a sigui splica, ta pa e programa bay di kleuter, pa basis pa voortgezet pa tin un continuacion den dje. Den e caso di e docente, el a menciona cu IPA tin HBO opeleiding unda ta educa e futuro maestronan di movecion y salud, y den e curriculum tin e parti di movecion, pero tambe e parti di salud, e parti di cuminda, y con saludable nan ta come.

“Mi ta kere eynan, atrobe mi ta stress, mester un combinacion, den movecion y parti cuminda. Pero atrobe si bo pone ya na kleuterschool e mucha ta haye na scol e ta bay cas e ta bisa e mayornan, mi no kier esaki, mi no kier bebe refresco, mi kier bebe awa pasobra mi meneer of mi juffrouw a bisami awa ta miho cu esaki. E ta bay ta un cambio di mentalidad den e caso ki y mi ta kere eynan nos tin cu hinca e esfuerso y esey ta poni den nos plan di gobernacion tambe,” el a remarca.