Parlamentario Endy Croes(MEP): ‘Marlon Sneek mester ta ‘verkalk’ y a lubida hopi lihe cu ta e mes a cambia e ley pa Paul sigui cobra’

ORANJESTAD – Parlamentario Endy Croes a reacciona riba Marlon Sneek. Marlon despues di e marcha di AVP di 12 di april ultimo a subi avion e siguiente dia hunto cu Candelaria y a bay hiba boshi redo Hulanda cerca nan zusterpartij CDA, entre otro cerca Chris van Dam.  Despues di dos siman Marlon Sneek ta yega Aruba pata pata di jetleg y awor kier acusa minister di Husticia Andin Bikker cu segun opinion di Marlon Sneek cu Andin Bikker lo mester saca su conclusion y tuma su retiro.

AVP conoci pa promove maldad
Ora scucha Marlon Sneek su argumentonan por constata cu enberdad Marlon tabata perdi na Hulanda ken sa kisas den cualkier coffeeshop di cannabies den paranda na Hulanda y kisas esey a pone papia tanto coy spetakel asina.

Marlon Sneek a basa su mes riba dos punto cual ta un carta di Hoofdofficier y su otro punto ta e Helicopter. Esakinan  a pone Marlon hinca den su cabes cu minister Bikker mester tuma su retiro. Pues no ta bin cu nada valido. Marlon a menciona cu contract di Helicopter ta costa pueblo 195 mil pa luna cual ta leu for di berdad. Marlon sinembargo nunca ta bin reunionnan di comision di husticia y pues e por puntra su colega Candelaria cuanto gobierno ta pagando pa e contracto aki pasobra Candelaria a mira e contract. Tur cos ta den cuadro di presupuesto y a cana nan caminda legal, contrario na e deal di Dowers cual nos lo bin bek riba dje. Mike Eman, Marlon Sneek y AVP ta conoci pa promove maldad y conoci tambe pa horta placa di pueblo no por compronde cu tin hende kendenan si ta traha cu nan curason dedica na e pueblo.

AVP a elimina helicopter y radarnan
Hustamente AVP a kibra contracto cu Helicopter y a destrosa e Radarnan. Consecuentemente costanan a keda 8 aña habri y nos tur por corda cuanto atraco tabata tin pa dia y cuanto auto tabata wordo joyride pa dia y pues un husticia fuera di control bao di AVP.

Aunke Mike Eman, Marlon Sneek y AVP a laga solamente rastronan di huña den e caha di gobierno pasobra nan a horta fondonan di e pueblo aki sin fin, awe nos por mira cu bou circunstancianan super dificil e gobierno aki ta treciendo solucion brindando siguridad bek pa pueblo. Helicopter t’ey y pronto radarnan tambe lo t’ey y asina garantisa siguridad di  nos costanan y pais Aruba. Marlon Sneek por ta sufri di “verkalking”?

Marlon Sneek y AVP cu conscientisacion di Mike Eman a cambia e ley den Parlamento na 2017 momento cu Paul Croes ta den prizon pa e fechorianan cometi y asina permiti Paul Croes keda cobra Afl.15.300 florin pa luna sin traha, sin ta AO pero ta cera den KIA pa malversacion, fraude, omkoperij, witwassen. Asina aki AVP ta funciona. P’esey mes pueblo nunca pero nunca mas cu AVP. Bin bij Marlon!!! Dieptriest!!