Parlamentario Endy Croes durante conferencia di prensa a baha hopi fuerte riba Lotto pa Deporte. Lotto pa Deporte aña aden y aña afo ta den luz negativo. No obstante esaki e directiva “berde” amigonan di Mike Eman y activistanan di AVP ainda ta gelijm riba e stoel causando inmenso daño na e Fundacion, esta Silvio Janga, Eli Kock, Antonio Kamperveen y Flavio Faneyte un hefe na Elmar kende recien a sali den noticia “burachi” a kibra un auto di compania Elmar, ta entre esunnan culpabel.
Da Sousa y Le Grand otro amigonan di Mike De Meza kendenan a strica cien miles di placa di Deporte recientemente a bula afo di e barco. Hopi negoshi tumando luga internamente unda nan mes ta paga nan mes masha hopi placa pa servicio cu nan mes ta brinda na Lotto contra tur sentido di moral.
Masha hopi placa malgasta
Parlamentario Endy Croes a sigui bisa cu Canadian Banknote (CBN) ta mesun culpabel como cu nan ta permiti tur e bagamunderianan tuma luga y ta haci manera nan nanishi no ta sangra. Parlamentario Croes a sigui splica cu consecuentemente Lotto pa Deporte ta malgastando masha hopi placa y awor tin “achterstand” y no ta cumpliendo cu Stichting Subsidie Aruba. Fondonan cu Lotto ta genera di acuerdo cu statuut despues di paga premio, rebendedonan y operacion e placa mester wordo inverti den deporte. Lotto ta traspasa fondo pa Stichting Subsidie Aruba kendenan na nan turno di acuerdo cu un reglamento ta reparti e placa entre otro pa alrededor di 24 Federacion Deportivo y algun otro organisacion.
CBN stricando 23% di e benta bruto
Lastimamente por a confirma cu e siman aki Stichting Subsidie Aruba su cuenta ta den bashi y no por yuda Federacionnan di acuerdo cu sumanan aproba como cu Bestuur di Lotto pa Deporte no a traspasa placa segun contract pa Stichting Subsidie Aruba. Lotto mester minimo traspasa 4 miyon pa aña mientras Canadian Banknote (CBN) ta strica 23% di e benta bruto di 50 miyon cual ta 12 miyon florin. Pues e compania Canades ta bira miyonario riba lomba di pueblo cu ta contribui na cumpra Lotto cu e pensamento cu e fair share ta bay pa deporte. Tempo di MEP ta apenas 8% CBN tabata cobra pero e visionarionan di AVP Mike de Meza y Schwengle a baha carson pa Canada entregando 23% di nos patrimonio na Canada. Pues pa Canada si tin 12 miyon, pero pa Stichting Subsidie Aruba no tin 4 miyon pa 24 Federacion. Foei Canadian Banknote, boso mester por trata nos deportistanan cu mas respet y si Bestuur di Lotto ta fayando boso mester por cay aden pa nunca pero nunca mas keda sin cumpli cu nos Federacionnan local. The clock is ticking !!
