ORANJESTAD – Parlamentario Endy Croes no ta contento at all cu e nombracion di e politico Henk Kamp den Caft.  Parlamentario Endy Croes tin hopi problema momento cu Hulanda ta papia di Integridad y Good Governance, pero nan propio echonan ta completamente lo contrario.    

Segun Endy Croes e tin suficiente prueba cu e nombracion di Henk Kamp den Caft ta uno ilegal y completamente contra Ley di Laft y pues contra tur moral di nos pais. Endy Croes ta bisa si mi acepta esaki anto miho nos benta nos leinan afo  y por yama Aruba libremente un “Bananen Republiek”. Esaki ta locual Hulanda ta stimula y propaganda cu e nombracion di un politico como miembro di Caft. Pueblo ta spera sinceridad di nos persona como parlamentario. Parlamento ta e instancia mas halto aki na Aruba y alabes como representante di pueblo den e stoel como parlamentario Bo ta forma parti di esunnan cu ta traha y aproba Ley di bo pais, anto lo minimo bo mester por duna ehempel y respeta Leinan di bo pais. Hulanda cu nombracion di Henk Kamp a atrapa na un manera feroz y cruel riba e Ley di Laft aproba 27 di augustus 2015.

Hustamente e dia aki tabata un  momento cu pueblo a lanta y a manifesta. Nos por corda con te hasta diferente di nos baluartenan y luchadonan pa nos autonomia a cay cera den prizon pa defende e autonomia y lucha di Betico Croes cual parcialmente a wordo entrega na Hulanda riba e dia ey mediante e Ley di Laft. Awor esey no ta basta? Awor ni e lei aki cual Lei ta Hulanda mes a traha y push’e den stoma di parlamentarionan debil di AVP kendenan a aproba esaki, awe Hulanda mes ta trapa riba dje na un manera criminal cu e nombracion di Henk Kamp como un miembro den Caft. Mester recorda Pueblo cu Leinan di bo pais ta algo cu huesnan ta respeta. Si bo actua contra Ley sigur bo lo wordo castiga.

Artikel 4 Lid d di e Ley di Laft ta papia cla ki ora Bo no por wordo nombra como miembro di Caft.  Textualmente mi ta cita esaki, “Een Lid van het College kan niet tevens zijn, “een lid van de Staten of van een daarmee vergelijkbaar orgaan van Nederland, of op de lijst staan OF HEBBEN GESTAAN van enige politieke partij binen het Koninkrijk der Nederlanden”.

Parlamentario Endy Croes su punto ta lo siguiente. E ley ta stipula hopi cla cu un miembro di Caft no por ta entre otro un politico of  un persona kende a aparece of a yega di aparece riba un lista politico. Henricus Gregoruis Joseph Henk Kamp ta un politico pa mas di 25 aña y a aparece na varios ocasion riba lista di VVD hustamente lista di e partido di prome minister di Hulanda Mark Rutte. E politico Henk Kamp a ocupa diferente funcionnan como minister desde 2002 te 2017. Artikel 3 di LeI di Laft tambe ta regula e sistema di nombracion pa cu CAFT. Esta regering van het Koninkrijk ta nombra e Voorzitter, Aruba ta nombra un y Nederland ta nombra e di tres. Esaki ta bira e constelacion di Caft.

Pues Nederland mes a nombra Henk Kamp contra tur ley. Raymond Knops no bin yora awe cu e tabata den Rijksministerraad y sa kico a pasa. Bo t’ey pa para pa Lei y no para riba ley. Bo mester a para e cos aki pero Knops tambe a aproba esaki. Ora Bo papia cu Hulanda di zachte lening nan cabeynan ta para y nan caracter ta cambia mientras ta bou supervision di CAFT y Hulanda Aruba su debe nacional a deteriora. Wel mescos ta conta pa Croes como parlamentario ora Hulanda atrapa ley na e forma cruel aki Endy Croes lo sa di para pa Integridad y ta haci un apelacion na Hulanda pa corigi y trek recht locual nan a haci krom.  Parlamentario Endy Croes ta termina bisando cu e no ta acepta esaki y cerca e opinion di Mark Rutte alrespecto e numeracion di Henk Kamp contra nos leynan. Si Henk Kamp ta respeta ley, si Henk Kamp ta intergo, si Henk Kamp tin sentido comun, Si Henk Kamp kier duna ehempel anto e mes mester saca su conclusion cu e no por ta sinta eynan mas.