Parlamentario Endy Croes a tuma nota cu Melvin Tromp di AVP a cuminsa busca atencion atrobe. Tin hende ta nace cu suerte den bida y Melvin Tromp ta un di nan. Ta un secreto publico cu Melvin Tromp no a caba ni LTS y no tin ningun preparacion pero pa su suerte Mike Eman tabata tin mester di Melvin Tromp riba su lista pa haci boroto y su persona a compromete su mes cu AVP di lo tuma e rol aki como cu no ta import’e si pueblo mester hari’e of burla di dje pa su bobedad. Asina Melvin Tromp a tuma su rol hopi na serio.
Despues di eleccion Melvin Tromp a bay den winterslaap. Contra tur regla y consehonan negativo di DRH Mike Eman a percura prome cu el a baha pa Melvin Tromp cobra overbruggingstoelage aunke e no tabata tin derecho riba dje pasobra e mester a regresa CEA y bay bek na su salario normal. Mientras riba e borchi na CEA Melvin tabata aparece como “Ziek” pero tabata cobrando overbruggingstoelage. Momento gobierno a cay ariba y a manda reverse e decision di Mike Eman, Melvin Tromp a core pidi VUT y a baha cu VUT. Melvin Tromp no kier a entrega su yabi di Parlamento y ta a la forsa mester a papia duro cune pa e compronde y a bin bij cu e no ta den Parlamento mas y asina a bay over na entrega e yabinan bek.
Melvin ta asina abusado cu ni di e cas di su difunto mama e no kier sali y no kier paga tampoco. Asina bo ta conoce e grado di sinberguensanan di AVP. Melvin tambe ta envolvi den Tereno Gate. Tromp a bende 2 tereno cu el a ricibi como erfpacht cu Condo Real Estate, esta negoshi di famia di Tico Croes. Den un konkelmento a logra haci e terenonan aki comercial y asina abusa mescos cu Benny Sevinger y Leoncita di Canal 90 di patrimonio di pueblo. Algun tempo atras a tuma nota con Donkey Melvin kier a cuestiona sentencianan te hasta di Hoger Beroep y Cassatie. Pueblo por corda con Melvin a yega di declara cu el a haya chequenan di Lotto na Tamarijn y e so sa unda tin computernan dera? Anto nunca bo a bay polis?
Ora tende Melvin Tromp papia patarata asina bo ta puntra bo mes si un hende asina por tabata representante di pueblo? Melvin Tromp a cobra den 8 aña mas cu 1 miyon florin di e pueblo aki. Tristo pueblo. Tipo di shouronan asina tabata bo representante. E placa aki por a wordo miho uza pa drecha e santana di Burico. Tin biaha mester puntra si ta bale la pena duna Melvin atencion. Su careda politico ta “done” pero rato rato nos lo percura pa pone Melvin para straight y na su luga. Nos lo bin bek pronto cu un seccion pa Melvin Tromp cu algun prueba y lo aprecia su reaccion.
Finalmente no lo bay gasta mucho tempo na un politico di panlefi pasobra manera e dicho di e grandinan ta bisa ‘cu labamento di cabes di burico bo ta gasta awa y gasta habon’. Keda pendiente!
