Parlamentario Endy Croes ta amplia riba e “move” di algun sindicato. No obstante semper ta respeta lucha di tur sindicato pa nan trahadonan pero tin momento cu sindicatonan mester por realisa cu nan “timing” pa pidi “cos” bek ta masha masha inapropia.
Sindicatonan ta contra e ayudo na esunnan cu a perde trabou?
Na e mundo aki nos ta deal cu hende. Tin sindicatonan no tin e minimo sentimento humando kico esaki ta significa. Nan kier bringa pa nan propio cartera y kier crea destabilisa den un pais mei mei den crisis pa sirbi agenda di oposicion. Parlamentario Endy Croes ta bisa sigur ora e mira actitud di presidente di SIMAR y awor un otro cu a caba di spierta di soño esta presidente di e sindicato di POLIS. Nos a mira nan den transcurso di ultimo aña y claramente nan color politico ta bay dilanti di cualkier lucha husto.
Nada contra paso tur hende ta liber pa expresa nan opinion. Nos ta respeta esey tambe. E forma cu nan kier deal cu Prome Minister di un pais kende ta traha dia y nochi mei mei den un crisis cu nunca antes ningun pero ningun gobierno den historia a experencia. E placa di solaridad cu empleadonan publico a entrega hustamente ta pa carga esunnan cu a perde trabou. Tanto FASE y MKB ta wordo paga di akinan. Crisis no a pasa ainda y mas hende lo perde trabou den e proximo 3 lunanan nos dilanti y mas negoshi lamentablemente mester cera. Pues ta expect comprension y solidarismo di berdad un pa cu otro riba e pida baranca aki.
Te awor salario di sindicatonan ta garantisa y esunnan priva NO:
E manera hastro cu sindicatonan aki a yega Bestuurskantoor diabierna y exigi sin ningun tiki respet pa Prome Minister sali di un reunion di Crisis Team unda ta atende decisionnan pa henter un pais anto pa bin atende poco “shouro” cu kier papia di placa ta condenabel. Parlamentario Endy Croes ta pidi miembronan di tur sindicato pasenshi pero alaves midi hopi bon kende(nan) boso ta scoge como representante den futuro. No ta forma pa atende cu un Prome Minister di un pais y no ta forma di trata mei mei den un crisis.
Gobierno ainda ta den e maniobra pa presta e restante di 1114 miyon esta 1.1Biyon pa garantisa tur pagonan di Aruba. Pues di un surplus di 46 miyon esaki a bolter pa un deficit di 1114 miyon florin. No ta wega. Anto mei mei den esaki sindicatonan kier papia con nan lo recupera bek locual nan a entrega pa yuda esunnan cu a perde trabou y tambe kier papia di indexering. Ta hopi loco y sin gevoel Bo mester ta como hende pa exigi atencion pa e topiconan aki na e momentonan mas crucial cu pais ta pasando aden. Nos ta spera cu miembronan papia cu nan dirigentenan. Tur cos den bida tin su momento y “timing” ta algo hopi crucial. Locual e sindicatonan a haci diabierna ultimo ta completamente foi sla. Sin Palabra!
