10 Inversionista lo bishita Refineria den October, Parlamentario Endy Croes ta splica mientras cu nos ta mei mei di un Pandemia y alaves den un impasse cu Hulanda cual ta kita masha hopi energia positivo cosnan bon ta keda sali den nos caminda. Desde mei tabata tin un destaho publico pa sea un Refineria Request for Expresion of Interest 1 of un otro industria Request for Expression of Interest 2.
Desde 31 di Juli a habri e proposicionnan online den presencia di un Notario. Despues un Comision a atende cu tur e proposicionnan y a scoge finalmente e 10 inversionistanan kendenan a cumpli cu tur cos y tambe ta entre esunnan cu ta mustra di lo ta bon pa locual Aruba ta buscando.
10 Inversionista lo ta di bishita den luna di October:
E 10 inversionistanan cu a wordo selecta kendenan a cumpli cu henter e proceso lo wordo invita pa haci un bishita na Aruba den proximo simannan nos dilanti. Asina nan por haci un tour den e Refineria y alaves ricibi mucho mas dato di henter e Refineria y reuni cu esunnan encarga cu henter e proceso aki. Despues di esaki e Comision di profesionalnan lo bay over pa un escogencia final pa mira kende lo bira e inversionista cu lo bay maneha e Refineria. Di acuerdo cu schedule esaki lo mester bira conoci tempran den November pa asina prome cu aña cera por tin tur contractonan firma pa e inversionista cu gana e destaho aki por cuminsa cu movecionnan manera 2021 habri. Esaki ta bay ta algo hopi positivo y lo bira un vangnet pa hopi cu a perde trabou por tin speransa den 2021. Esaki ta creando perspectiva y speransa pa comunidad. Papa Dios ilumina tur esunnan cu mester tuma e decision final pa e ta e miho decision pa pais Aruba y tempo lo bay demostra esaki.
Segun Departamento Economico esaki lo ta un impulso di 16%:
Departamento Economico a haci algun calculacion pa cu aña 2021 considerando cu Refineria lo haya su Operador y lo cuminsa cu remodelacion y preparacionnan den 2021 y esaki consecuentemente lo percura pa un impulso economico di 16%. Alaves pa cu aña 2022 e impulso economico lo bay ta 18% mirando di unda nos ta actual cu nos desaroyo economico. Logrando Refineria cu un Operador solido y cumplido y alaves mirando e proyeccionnan pa Turismo ta mustrando bon pa 2021 esaki ta brinda nos perspectivanan grandi pa cu 2021 y lo yuda nos sali mas lihe for di e crisis. Parlamentario Endy Croes ta splica cu e gobernacion aki sigur no tabata tin’e facil pero cu tur nanishinan den mesun direccion y cu e boluntad grandi y compromiso y vision di Evelyn Wever Croes y henter su Team nos lo logra salba y saca Aruba for di e pio crisis den su historia. Union ta haci forsa!
