Parlamentario Endy Croes a sinti cu AVP, Mike de Meza y Marlon Sneek na un manera desespera ta ataca Refineria ( doñonan di Quanten LLC). Marlon Sneek ta considera den mesun rosea cu Gobierno mester a sigui deal cu CITGO. Pues AVP kier a sigui deal cu e coruptonan cu a cay cera. Marlon Sneek y Mike de Meza aparentemente a bira dos experto den mundo di Refineria y kier cuestiona tur cos cu tin di haber cu Quanten LLC. Pero pa nos no keda riba e parti negativo laga nos splica e parti ken ta Quanten LLC.
Quanten LLC Consortion:
Quanten LLC Consortion a sa di arma un serie di companianan multi nacional “ best -in-class” cu expertisionan riba diferente area kendenan ta forma parti di e Consorsio. Top Team sostene pa institucionnan academico cla pa financia, renoba, upgrade y opera e Refineria. Ademas e Consul di USA pa asuntonan economico Christian Olson a declara publicamente cu e companianan Quanten LLC y Eagle LNG ambos ta cay bou e terminologia “advocacy” cual ta duna mas forsa aun na e companianan Americanonan aki. Pues Gobierno Americano a screen nan y ta sostene nan y nan ta bon pa locual nan ta bisa esta pa 3.5 Biyon US dollar y e otro Eagle LNG ta ok pa e inversion di 185 miyon US dollar.
KBR-McDermott International-Chem Energy-CISCO:
Subcontractorsnan den e posibel proyecto aki ta entre otro KBR. KBR ta un US EPC company. Esaki ta para pa Engineer Procurement and Construction. KBR ta un proveedor mundial enfoca riba solucionnan detaya y completo den area di energia y chemicalia. KBR alaves tin hopi experencia como desaroyado di tecnologia den combinacion cu haci estudionan debido y completo y tin e capacidad y capabilidad pa entrega proyectonan. KBR a prueba nan mes den esaki na tur ocasion. KBR tin riba su trackrecords diseñonan moderno y/of construccion di mas di 60 Refinerianan limpi ( berde) y a traha tambe mas di 1000 Unit nobo pa rafinacion di petroleo di tur size rond mundo. Pues KBR ta un lider mundial den e mundo di Refineria. Den un otro version lo amplia mas riba otro partnersnan den e proyecto aki.
Proyeccion Inicial di 3.5 Biyon US Dollar:
Inversion inicial ta presupuesta na 3.5 Biyon US Dollar. Esaki ta reparti como lo siguiente. 1.5 Biyon US Dollar na renobacion di e plantanan existente di esunnan cu lo bay wordo uza. 1.4 Biyon US Dollar na Unitsnan completamente nobo cu lo wordo traha, manera por ehempel un Sulfur Plant y diferente otro mas. 600 miyon florin lo wordo destina den e tankfarm, Terminal, Utilities pa nombra algun. Actualmente despues cu a firma e LOI, lo continua e proceso pa termina e due diligencia unda lo bay ta mucho mas cla y specifico kico tur lo drecha y kico tur lo traha nobo. Parlamentario Endy Croes ta pidi hasta oposicion pa laga nos no ta negativo y brinda e proceso un oportunidad di cana su caminda. Ohala cu den 90 dia ora ta asina leu Quanten LLC por anuncia hunto cu gobierno cu nan a logra yega na un contracto. Esaki ta e anhelo di e pueblo y esaki lo crea cupo di trabou y lo genera entrada pa gobierno.
