Parlamentario Endy Croes a splica cu durante fin di siman e tabata bastante ocupa bendiendo rifanan di partido MEP na masha hopi conciudadano. Esaki en conexion cu MEP ta conmemorando 50 aña di existencia y alaves recaudando poco fondo pa partido. Locual a resalta na centenares di casnan cu a pasa bishita tabata e hecho di e casonan grandi di corupcion di AVP. Primordialmente e caso di Benny Sevinger cual ta tardando demasiado segun veredicto di pueblo. Alaves diadomingo nos a bende rifa dilanti Cede di MEP na Sta Cruz unda avalancha di autonan tabata para pa duna nan sosten y contribucion. Den mesun rosea un bes mas e reclamonan tabata fuerte den direccion di Ministerio Publico cual den wowo y sentimento di pueblo cu nan ta tardando demasiado.
Kico ta acusacionnan contra Benny Sevinger x minister di AVP:?
Desde 1 di october 2019 Ministerio Publico a haci un “huis inval”na residencia di Benny Sevinger y cantidad di amigonan cerca di Benny manera entre otro Leoncita di canal 90. Dia 13 di Januari 2021 Ministerio Publico a ripiti un huisonderzoek na cas di Benny Sevinger x minister di AVP. Sinembargo pueblo no ta contento cu e velocidad cu e investigacion ta canando. Benny Sevinger a comete presunto fraude y corupcion cu patrimonio di pueblo na gran escala. Benny cooperando pa bende tereno den e construccion di duna optie riba terenonan comercial na amigonan cerca kendenan despues cu cooperacion di Benny y AVP ta bende sharesnan di e N.V. Cu otro desaroyadornan Venezolano pa masha hopi placa. Ta papia di mas di 25 miyon florin. Benny a wordo acusa oficialmente pa Falsificacion, Mal uso di Poder, Soborno, Labamento di placa y Estafa. Pues 5 acusacion hopi fuerte. No obstante cu Ministerio Publico tin hopi prueba entre otro cuentanan di banco unda miyones a pasa di un cuenta pa otro, pruebanan di falsificacion y cantidad di prueba mas pueblo ta sinti cu nan ta tardando. Parlamento a cumpli cu su trabou di denuncia un x minister awe Parlamentario corupto y alaves ta transmiti e sentimento di pueblo. Nos sa cu Ministerio Publico ta trahando riba e caso grandi aki pero kisas ta tempo pa Ministerio Publico duna un “update” na comunidad pa asina mantene e confiansa bibo den un Ministerio Publico cu ta funciona.
