Parlamentario Endy Croes a splica cu ta prohibi pa lubida con e regimen Mike Eman y AVP a horta pais Aruba. Importante pa pueblo keda corda kico a pasa. AVP kier hunga awe un politica de que yo no fui. AVP y Mike Eman ta masha keto. No ta touch e tema “at all” como cu nan kier pa pueblo lubida y asina no papia di corupcion mas.
Straño ta cu e prensa comprometi manera Patrick Paskel y Speed Andrade di Tera Group net esnan cu a gosa di e bolo rancando na un manera criminal 8 miyon di pueblo pa propaganda Mike Eman y AVP durante 8 aña tambe a bira “mudo” pa e casonan aki.
Paul Croes x minister di AVP cera pa corupcion:
Ora bo tende con Patrick y Speed ta defende Paul Croes, Benny Sevinger, Mike Eman tres x minister cu a horta y/of corumpi e pais aki na un forma cruel Bo ta compronde ta ki sorto di parasito e duo aki ta. Den requisitor di fiscal Bo ta lesa e desaster di fraude y corupcion cu Paul Croes di AVP a haci. Recherche a tap su celular y a pone aparato pa graba su combersacionnan den su auto. Por scucha con Paul y Aparicio su “driver” ta papia pa ta “ban dal e Chinesnan abou”. Style di mafia organisa. Declaracion di varios Chines testigo a admiti di a duna Paul Croes y Aparicio masha hopi placa, caha di Amstel Bright, boternan di Old Parr tur weekend a cambio pa haya permiso. Te hasta 40 bleki di tuna a ser confirma di a ser pidi y a ser duna.
Pakico prensa comprometi kier tene esakinan scondi? Berguensa kisas? Of Patrick cu Speed tambe tabata come tuna y bebe Amstel Bright? Adhunto un parti di e requisitor di fiscal. Pues no ple fini awe y desvia atencion di pueblo di e realidad. Den caso IBIS y cada ken carga nan responsabilidad.
Benny Sevinger otro x minister di AVP cu a masacra e pais aki:
Benny Sevinger desde a sali di KIA a huramenta y nunca mas a yega Parlamento pa ningun reunion. Mike Eman ta aplaudi esaki? Pues un sospechoso di AVP di un caso criminal miyonario ta cobra salario di Parlamentario sin yega trabou? Esaki pueblo a vota pe? Speed cu Patrick Paskel ta masha keto riba e casonan di AVP. Logico nan a cobra 8 miyon di pueblo via Mike Eman y a suta 600 mil na Utilities mas 500 mil na RDA.
Asina tin hopi mas. Pues ban acusa henter mundo pero keda muisstil riba casonan di ladronicia di AVP cu actualmente ta andando. Finalmente tin caso wasmashin cu ta Mike Eman himself. Mike Eman a ricibi varios transferencia di 50 mil dollar di personanan condena na Merca pa soborno.
Pues por sigui hunga wega pa desvia atencion pero tur esakinan ta puro realidad y pronto pueblo lo tende mas momento e casonan aki ta dilanti mesa berde.
