Parlamentario Endy Croes durante conferencia di prensa dialuna ultimo a splica dos punto hopi importante. A splica cu a entrega un keho oficial na Ministerio Publico tocante transferencia(nan) bancario cu Mike Eman a ricibi riba su cuenta Fundacion Campaña Mike Eman.
Ta trata di entre otro 50 mil dollar esta Afl.90.000 florin cual ta un di e diferente transaccionnan. Esaki ta un placa cu a bin di Roberto Rincon su compania Tradequip di Maracaibo cual a pasa via Panama pa yega riba cuenta di Mike Eman. E ultimo transaccion di 50 mil dollar a pasa riba e fecha 16 di September 2013 esta 11 dia prome cu eleccion cual a tuma luga 27 di september 2013. Mike Eman a cera campaña cu un lighting parade miyonario cu 11 banda free riba caretera. placa preto di Roberto Rincon kende a wordo acusa y cera na Merca pa soborno di mas di mil miyon dollar a wordo usa pa cumpra voto di hendenan humilde. Asina AVP a logra 33 mil voto y Mike Eman a logra un total di 8222 di voto.
Preguntanan oficial a bay pa (3) Minister:
Tocante esaki Parlamentario Endy Croes ta sinti cu algo a bay robes y tin hende of instancia(nan) a peca y faya cu nos leynan. Pa e motibo aki a haci uso di e hermentnan cu un Parlamentario tin y a manda preguntanan por escrito pa (3) Minister tanto prome Minister, Minister di Financia y Minister di Husticia. Croes kier haya sa si e Banco en cuestion a cumpli “na tempo” y a meld e transaccion aki na MOT conforme cu nos leynan vigente. Tambe Parlamentario Croes a manda puntra si MOT na su turno a meld e transaccion dudoso y sospechoso aki na su turno na Ministerio Publico conforme ley. Finalmente tambe kier haya aclaracion si Ministerio Publico den luna di september/october a meld esaki momento cu Mike Eman a pasa screening pa bira prome Minister pa di dos biaha di pais Aruba. Segun Croes algo no a bay bon y ta p’esey banda di a entrega un keho contra Mike Eman pa investiga e caso aki tambe a haci preguntanan di vital importancia pa determina unda y ken posiblemente por a faya den e proceso aki y no a cumpli cu ley.
Mike Eman NO tabata Ministeriabel y Aruba por a sali beneficioso:
Si e control debido cumpliendo cu e ley existente di MOT a tuma luga Mike Eman nunca por a pasa e screening pa Minister. Es decir Mike Eman nunca por a bira prome Minister pa di dos biaha na aña 2013. Esaki lo tabata significa cu Aruba no por a wordo masacra financieramente y lo a evita tur e corupcionnan di Paul Croes, Benny Sevinger, Mike de Meza y lo a scapa un grupo grandi di a of lo bay deal cu husticia pronto. Tur esaki por a wordo salvaguardia solamente si a cumpli cu e ley. p’esey Croes ta haya importante pa sa si tin un of mas hende of instancia(nan) cu por a faya den esaki pa trece claridad mientras investigacion ta cana su caminda.
