Ta corta 136 Miyon di prestamo sin cu a firma corda si a firma

Parlamentario Endy Croes ta splica cu Militar Knops Lider di campaña di CDA amigonan di AVP a actua sigur na un manera incorecto ultimo simannan. Desde 6 di Juli Militar Knops a presenta 2 condicion adicional si sorpresa. Crioyo bisa a presenta esakinan for di Leftfield. Ta trata di (2) Rijkswet mas 218 pagina y tabata kier pa Prome Minister firma esakinan prome cu 10 di Juli anto sin laga Parlamento lesa esakinan. Ta con sinberguensa e Militar aki por ta?

Militar Knops a corta 136 miyon di e prestamo sin consulta previo :

Despues cu desde 10 di Juli a keda den combersacion y negociacion cu Militar Knops pa purba yega na un trato husto y sostenibel por a tuma nota cu e postura di Hulanda ta uno cu no kier negosha practicamente. Den negociacion tin minimo 2 partido y Bo ta purba yega na algo husto unda tur dos por bay di acuerdo. Esaki sinembargo tabata eenrichtings verkeer y ta locual Militar Knops bisa ta bay. Dia 4 di September ultimo sorpresivamente Militar Knops a corta 136 Miyon di prestamo pa Aruba. Aunke cu CAFT a duna conseho positivo 24 di Juni 2020 pa duna Aruba 204 miyon na prestamo pa lunanan Juli-Augustus-September, Militar Knops unilateral a dicidi cu e lo corta 136 miyon riba esaki. Esaki ta sin cu Aruba a firma cu Hulanda corda si Aruba firma un dia. Ta con esaki lo por funciona?

Militar Knops ta admiti cu el a tuma un decision eenzijdig:

Militar Knops no a keda ningun tiki contento cu Minister President di Aruba na un forma corecto y elegante a splica diahuebs anochi den un discurso nacional cu NO lo firma cu Hulanda pa awor pio ainda awor cu Hulanda ta juist corta 136 miyon florin di un prestamo aproba sin consulta previo. Knops a yama mesora diabierna e dia siguiente expresando su disgusto. Mesora Minister Presidente a pone Knops para keto splicando Knops cu asina Bo no ta trata cu partners igual den Reino pero mester por tin poco mas respet pa otro. Segun Knops cu como cu Aruba no a firma desde Juli su persona a pensa cu Aruba lo firma 11 di September ultimo anto automaticamente el a verschuif e prestamo cu 2 luna esta e 204 miyon lo bira awor pa lunanan September-October y November. Esaki kiermen cu a keda un buraco pa lunanan di Juli y Augustus unda Gobierno di Aruba a maniobra durante lunanan cu tabata negosha y schuif yen di pagonan sea na comerciante of pago pa productonan y tambe di cuido pa asina por traspasa e lunanan dificil. Tristo un mandatario Hulandes den pleno campaña como Lider di campaña di CDA di cual AVP ta zuster partij ta trata Aruba na un forma desformal asina.

Mientras un porta ta cera otro ta habri:

Aruba pa 34 aña no a presta na Hulanda pero semper a presta riba plataforma internacional entre otro na New York y tin amplio experencia den prestamonan internacional y nunca a cay den default y semper a cumpli. Awor cu e actuacion bochornoso y eenzijdig di Militar Knops Aruba a consulta otro mercado mesora y a resulta cu portanan ta hancho habri pa Aruba al respecto diferente forma(nan) pa yega na financiamento. Despues cu desde 4 di September Militar Knops a hiba e postura robes aki mesora Aruba a consulta y gracia a Dios a logra haya financiamento pa cubri September y October. Adicional mester bisa cu e apetit Internacional ta para cla pa yuda pa henter aña 2021 tambe. Pues Aruba tin espacio pa sigui negosha cu Hulanda pero alaves negosha un pakete pa ful 2021 cu prestamonan internacional na interes super atractivo.

Militar Knops a corta 35 miyon den cuido mei mei den crisis:

Mientras henter mundo a inverti mas den cuido di salud di nan hendenan mei mei den e Pandemia aki Militar Knops a bin cu e briyante idea cu Aruba mester corta cu 35 miyon den zorg. Solamente pa Aruba esaki ta valido no pa Corsou tampoco St Maarten y tampoco Hulanda. Esaki ta lanta e pregunta ta kico precies Militar Knops kier logra cu Aruba anto? Tempo lo mustra pero cu actitud di dictador asina aki nos no lo yega leu. Spera consenshi por remorde y trata Aruba cu respect.