ORANJESTAD – Henk Kamp keto bay ta ilegal den CAFT, mientras Hulanda ta actua manera un avestruz. Haci drechi!

Parlamentario Endy Croes ta cuestiona enorme e actuacion di Hulanda den henter e asunto di nombramento di Henk Kamp. Manera a splica anteriormente, Henk Kamp a wordo nombra impugna cu nos leynan violando ferozmente artikel 4 lid d di e lei di LAFT.

Pa recorda pueblo kico e ley aki ta stipula? Pa tur claridad, Artikel 4 Lid 1 letter d ta stipula ‘een lid kan niet tevens zijn, een lid van de staten of van een daarmee vergelijkbaar orgaan van Nederland, of op de lijst staan of hebben gestaan van enige politieke partije binnen hek Koninkrijk der Nederlanden’.

Pues ley ta dicta claramente cu un miembro di CAFT no por ta un politico tampoco por ta un persona cu ta riba un lista politico of un persona cu tabata riba un lista politico. Ken ta Henk Kamp? Henricus Gregoruis Joseph ‘Henk’ Kamp ta un politico pa mas di 25 aña, y a aparece na varios ocasion riba lista di VVD, hustamente lista di e partido di Prome Minister di Hulanda, Mark Rutte.

E politico Henk Kamp a ocupa diferente funcionnan como minister desde 2002 te 2017. Pues ‘kort maar krachtig’, Henk Kamp no por ta miembro di CAFT, y Hulanda a nombra Henk Kamp contra ley y contra tur regla di fatsoen y moral. Hulanda kier papia di integridad? Con Hulanda por atrapa riba un estado di derecho na e manera aki? Mas ainda, Henk Kamp no ta sinti ningun grado di berguensa? Henk Kamp su mes como persona y como y ex minister di Hulanda no por a bisa Hulanda cu e cos aki no por? Kisas Henk Kamp tambe ta gusta e placa y e salario, aunke contra ley? Cu ki cara Henk Kamp kier bin controla presupuesto di Aruba? Cu ki cara Henk Kamp lo ‘durf’ di skirbi cualkier rapport of advies?

Croes ta manda e mensahe bon cla cu cualkier rapport di CAFT cu drenta Parlamento lo wordo kibra publicamente den e prome reunion publico cu lo trata cualkier tema. Hulanda mester comprende cu mester respeta ley, y ley ta conta pa un y tur. Croes ta termina bisando: Si Hulanda kier, e por bin sinta na mesa y haci un peticion pa corigi su eror, y di mi banda, ‘zachte lening’ ta unico negociacion posibel. Terugtrekken staat wel netjies bij Henk Kamp.