Di acuerdo cu Parlamentario Endy Croes siguiendo e desaroyo politico den Reino di cerca por tuma nota di e direccion cu Hulanda ta pushando paisnan den Reino esta Aruba, Curaçao y St Maarten. A traves di un Rijkswet kier “lock down” e paisnan Caribense pa asina logra reorganisacion. Nos no ta contra reorganisacion (hervorming) y tampoco ta contra cu Hulanda kier asisti nos cu nan experticio pa logra esaki den un tempo determina.

Laga esaki ta hopi cla. Locual nos ta contra ta e manera cu Hulanda ta hungando su cartanan style di “take it or leave” it a traves di un entiteit y un consensus rijkswet. Ora Bo ta papia di consensus kiermen cu ambos partido ta pone di su banda esta su input pa hunto nos yega na un acuerdo y pues un consensus cu tur dos ta carga. E proceso cu Hulanda a encamina den esaki ta totalmente robes y a traha un ley na Den Haag den 4 muraya den pura y nan so y ora a caba kier his’e bent’e pa Aruba, Curaçao y St Maarten yamando esaki un consensus rijkswet. Tweede Kamer tambe a cuestiona fuerte e forma aki di procede di Knops kende a haya bendicion di Rijksministerrraad pa haci esaki. Foei Hulanda!

Minister van Binnenlandse Zaken en Koninkrijksrelatie ta nombra 3 Lid:

Manera e propuesta di Hulanda ta actualmente den e Rijkswet Caribische Hervormingsentiteit na art 7 lid 4 ta para hopi cla cu “ De leden worden door onze Minister benoemd”. Alabes riba pagina 25 den e Memorie van Toelichting ta stipula: “De Caribische Hervormingsentiteit bestaat uit 3 leden, onder wie een voorzitter. De benoeming en het ontslag van de leden vinden plaats door de Minister van Binnenlandse Zaken en Koninkrijksrelaties.” Pues e ta hopi cla cu ta 3 Hulandes lo rond e entiteit. Tambe ta para hopi cla cu nan deber ta pa raporta na Minister di BZK y na Tweede Kamer. E Entiteit aki tin e libertad completo pa inicia proyectonan riba nan mes unda gobiernonan mester solamente percura pa duna nan e vergunningnan cu nan pidi. Pues un gobierno no democratico cu no a bay un eleccion banda di gobierno cu si a wordo scoge democraticamente. Asina tin hopi puntonan cu ta carece di un debate y cambionan cu lo mester wordo haci dado caso Hulanda kier yega na un acuerdo pa pusha nan idea y deseo.


Koert van Buiren probablemente voorzitter di e entiteit:

Segun Parlamentario Endy Croes e prome candidato pa un posibel Caribische Hervormingsentiteit ta conoci y muy probablemente Koert van Buiren lo bira Voorzitter. Esaki ta basa riba un analisis basta profundo cu Parlamentario Endy Croes a haci durante ultimo dianan. Hulanda ta gaña papia di transparencia pero tin su plan ful hinca den otro caba. Koert Buiren un Economista specialisa riba Internacional macro economia, mededingens economia y corporate finance. Koert a traha na Corsou 2008-2010 y a coordina e desmantelacion di Antillas y conoce tur e sistema hopi bon y sa tur pro’s y contra’s di e islanan. Koert ta miembro di bestuur di COVA ( Central Orgaan Voorraadvorming Aardolieproducten). Koert a wordo nombra pa e Minister di Economische zaken como lis di COVA. Koert a lanta su compania Economisch Bureau Amsterdam na Maart 2019 y ya na october a haya un contract miyonario for di gobierno Hulandes pa skirbi un rapport riba Aruba, Curaçao y St Maarten y a traha e Landspakketten pa gobierno Hulandes. Un di e condicionnan riba e website di e compania di Koert pa Bo por solicita y traha cu e compania ta para literalmente, “Beschikken over goede politieke en sociale antenne”. Pues mi no sa na cual school Bo ta siña esaki esta haya un titulo cu un goede politieke antenne. Pues haciendo investigacion mas profundo riba e idea di Hulanda y e manera cu nan ta hunga nan cartanan cu hendenan hopi bon studia lo ta bon pa gobierno ta atento kico tin tras di e cortina aki. No ta pornada Koert a conseha pa Entiteit por cumpra aandelen ( Shares) den tur companianan estatal. Ami lo sugeri si yega asina leu nos yiunan di tera nan tambe tin derecho y por cumpra shares y habri esaki pa tur y no limita esaki na e entiteit di Minister di BZK, Koert y su grupo.